【Now.com】八達通App 今日（30）正式支援日本PayPay支付，於八達通 Android及iPhone手機App內嘅「旅遊」專區多咗個日本PayPay二維碼支付功能，用戶即日起可在日本接受PayPay嘅商店掃碼付款。
八達通銀包Plus及Pro認證用戶可以經銀行應用程式、銀行轉數快或現金增值，於日本時就可在接受PayPay嘅商店，以八達通餘額或八達通銀包付款。一個幾貼心嘅處理，係呢個PayPay二維碼只限在日本當地使用，用戶身處日本時，PayPay二維碼才會顯示，一旦在日本以外地區，如在香港本地，系統會自動遮蔽二維碼，以保障用戶。
交易會直接在八達通App 扣錢，兼享零手續費、優惠匯率及商戶折扣優惠。八達通表示，交易付款時外幣兌換為港幣計算，根據交易當日於外幣市場嘅適用匯率進行，匯率可能與當時市場匯率有所不同。
八達通高層去年與傳媒聚會時，形容八達通已經做到「八達」，接下來會主力做「通」。當時已預告繼接通泰國PromptPay後，正研究與日本當地支付平台合作，讓港人用八達通App掃描日本商戶嘅支付二維碼，就可即時將八達通App銀包內嘅港元兌換日圓付款。
