【A&M Diary】當回憶起辦館、冰室、當舖、士多等嘅八十年代懷舊嘅影像時，心中自然就會亨起「我等著你回來…」。想懷緬老香港嘅特色，保留唔少地道文化嘅上環確實係一個唔錯嘅選擇。其中經活化後嘅辦館，依家係一間充滿文青氣息嘅cafe，但其實佢嘅前身確確實實係一間辦館，不妨嘆杯咖啡，浸沉喺最香港嘅年代。
黑松露油芝士多士
拎埋位已經聞到香噴噴嘅松露香味。食落口，芝士味相對較淡，但咁樣反而唔會搶走松露嘅味道，兩者配合得啱啱好！加上麵包烘到好鬆脆，作為下午茶嘅選擇相當唔錯。
沙嗲安格斯牛撈丁
沙嗲牛肉麵成日都食到，但沙嗲安格斯牛撈丁，你又試過未？上枱一刻已經被麻油味深深吸引住，而切成粒狀嘅牛肉，牛味濃又夠嫩滑，沙嗲汁同半生熟蛋撈埋一丁，直頭係享受，不過就略嫌沙嗲汁相對較少。
棉花糖多士
將多士同棉花糖放入焗爐，微焗至棉花糖輕焦，再淋上朱古力醬，入口即熔嘅香甜感覺，真係好滿足呢！
紅豆
菠蘿油
鬆軟嘅菠蘿包夾上厚切牛油，喺邪惡嘅化身下，加上大大粒紅豆，增加層次同中和返油膩感。
紅豆鮮奶抹茶
濃濃嘅抹茶香，再加埋大大粒紅豆，十足十飲緊宇治金時！
