【A&M Diary】上海菜嘅靈魂，當然就係小籠包啦！而主打經典滬菜嘅連鎖餐廳上海婆婆336，出品嘅小籠包就絕對有保質保證喇！除咗勁多湯汁嘅小籠包，另外推介嘅仲有花生味勁香濃嘅擔擔麵，同超足料嘅砂鍋雲吞雞。絕對係我哋每次必點嘅comfort food，更加係去尖沙咀iSquare睇戲前嘅飯堂呢！
336上海小籠包
上海婆婆336嘅336小籠包皮夠哂薄，肉味仲好濃，咬落去啲汁多到瀉，好Juicy呀！
排骨擔擔麵
擔擔麵嘅湯底真係好重要，而最重要係佢個花生醬！湯底夠唔夠香、夠唔夠濃、夠唔夠滑，其實重點都係個花生醬！而上海婆婆336個排骨擔擔麵嘅湯底夠濃，花生味超香，麵嘅份量十足又掛湯；排骨就略嫌炸得唔夠鬆脆，肉質較實。
