0
0
〈好食〉抹茶甜品的盛宴 潮聖銅鑼灣京林屋

〈好食〉抹茶甜品的盛宴 潮聖銅鑼灣京林屋

【A&M Diary】唔少香港人對於甜品嘅評語:「唔算太甜,好好食!」所以唔少香港嘅甜品都盡量減甜,以滿足香港人嘅味蕾同習慣。除此之外,將茶加入甜品內都係一個慣常做法,其中位於銅鑼灣嘅京林屋,係一間超過250年歷史嘅京都抹茶老字號,將抹茶加入甜品,令充滿茶香嘅甜品唔會太甜,充滿層次。


玉露玉艷
話明抹茶宴,就梗係要飲抹茶啦!嘩,第一啖真係好濃抹茶味,非常青澀,入口之後就有回甘。沖咗幾次都仲濃,真係真材實料。

抹茶蕨餅
講真我又幾鐘意食蕨餅嘅,口感煙煙韌韌,有少少似糯米糍。呢度嘅蕨餅,入口爽滑,好彈牙,再加埋抹茶粉同黑蜜,又幾特別,一苦一甜,perfect match。

香港限定芭菲
抹茶雪糕唔算好濃,口感都幾軟滑。下面又有蕨餅啦,正!! 口感煙韌,抹茶味濃! 甜甜嘅紅豆中和返啲抹茶味,再有埋脆米,口感出晒嚟!!

特濃抹茶雪山
嘩!! 呢個雪山大到呢,住隻北極熊都得,好彩無叫特大咋!! 啲冰算磨得細密,冰上嘅抹茶雪糕同抹茶醬好Match,好抹茶。我反而最鐘意下面煙煙韌韌嘅小丸子,紅豆同抹茶啫喱!!!

  1. 更多