【A&M Diary】夜晚嘅元朗真係越夜越熱鬧，唔同種類嘅宵夜店都有，如果想嘆夜茶點心，推介喜洋洋點心專門店。喜洋洋點心專門店由朝早開到凌晨，無論係朝早食點心嘅茶客，定係夜晚宵夜想醫肚都得，而餐廳嘅點心價錢貼地，成為街坊嘅點心小店。
姜絲牛柏葉
牛柏葉蒸完入晒味，口感彈牙爽口。至於底層嘅金菇，完美地吸收精華，同樣出色。
鵪鶉蛋燒賣
鵪鶉蛋燒賣真係買少見少，喺喜洋洋點心專門店見到，真係充滿懷舊感！燒賣份量厚實，大大粒，充滿肉汁。
醬汁蒸鳳爪
如果呢個世界只係剩返一樣點心嘅話，我希望係醬汁蒸鳳爪！蒸完嘅鳳爪，唔會油淋淋，索晒醬汁，非常入味。
