【Now.com】生意難撈！唔少餐廳食肆都諗計，例如做特價或任食作招徠吸客，但成本大利潤少好難捱。Donki鮮選壽司上月推出$280無限任食壽司放題120分鐘，不過今日 (11日) 宣布限時優惠「做埋今日」。
Donki鮮選壽司3月下旬出招做優惠，120分鐘任食壽司，有海膽、帶子、大拖羅等高級壽司，惟優惠推出後不足一星期，鮮選壽司突然改「玩法」，放題變為「每日限量」供應，售完即止，所以有網民去到餐廳才知道「無得任食」，「名額幾多？真係店方先知！」有成功入店享用的網民表示：「食唔到，好過食到，而家食緊，要乜冇乜，等運到甘 (咁)。」
來到今日，Donki鮮選壽司在社交平台貼文，「壽司無限任食放題將於4月12日起暫停供應。不便之處，敬請原諒」。貼文未有解釋原因。
很多網民批評Donki鮮選壽司「唔係諗過度過先做放題既咩？」有人建議店方「不如執咗佢算啦，放題都搞到咁乞衣，專心做返外賣壽司算啦」。
Photo / Facebook@Sen Sen Sushi Hong Kong
