【A&M Diary】大排檔作為港式風味嘅代表，除咗夠地道同平靚正之外，又點少得鑊氣加持呢？呢間位於銅鑼灣嘅大排檔，餐廳名稱唔花巧，直接以大排檔小炒命名，餐廳設計走懷舊風，而出品除咗小炒之外，餐廳仲自設魚缸，有蟹、龍蝦、瀨尿蝦等海鮮，夠晒新鮮，成為近期銅鑼灣嘅熱門人氣餐廳。
鐵板黑椒龍蝦
餐廳自設魚缸，但價錢明碼實價，食得非常放心。龍蝦即叫即劏，當然夠晒新鮮。龍蝦在鐵板上煎烤，除咗黑椒嘅香味，仲加多一份焦香感，至於龍蝦肉質鮮甜，爽口彈牙，加上惹味嘅黑椒汁，非常驚喜！
