【A&M Diary】想喺香港食正宗嘅泰國菜，自然就會諗起九龍城。但九龍城嘅泰國菜館選擇多，又有冇心水推介呢？泰式燒王2係我哋近期喜歡嘅泰國菜館，份量十足，價錢唔貴，而且每次去嘅出品都好高質，性價比爆晒燈，成為我哋一再encore嘅選擇。
酸辣去骨鳳爪
前菜揀咗無骨鳳爪，醬汁酸酸辣辣，作為開胃菜係不二之選。鳳爪除咗去骨之外，佢仲剪到一條條，食嘅時候方便又入味。
泰式青咖喱雞 + 蒜蓉包
食泰式咖喱，又點少得帶有淡淡嘅椰香味嘅青咖喱，雞肉入味又嫩滑。但最正都係個蒜蓉包！蒜蓉包即叫即焗，外脆內軟，蒜香十足，點上青咖喱一齊食，絕對係perfect match！
