【A&M Diary】食辣嘢出一身汗真係好爽呀！而講起食辣嘢，自然就會諗起川菜。香、麻、辛、辣嘅多種層次，每次食都有Level Up嘅感覺。今日嘅川菜晚餐，就嚟到灣仔嘅川亭，餐廳嘅招牌二人套餐，夠大份又抵食！價錢就夠親民，到於麻辣程度…
川亭口水雞
川亭嘅口水雞戰然有骨，但其實有骨嘅雞，雞肉會更香更嫩。口水雞嘅雞肉唔肥，連皮食都唔會太有罪惡感，味道方面麻麻辣辣，作為前菜可以刺激味蕾。
麻辣手拍青瓜
呢個麻辣手帕青瓜，啱晒唔太食得辣嘅朋友。青瓜夠爽口，咬落去充滿着青瓜水份，減輕麻辣感。
四川擔擔麵
擔擔麵有辣有唔辣，任君選擇。擔擔面嘅湯底帶有好香嘅花生醬味，加上炒香嘅肉碎，增添口感層次。至於陽春麵係擔擔麵嘅不二之選，非常掛湯。
重慶酸辣粉
酸辣粉可揀大辣、中辣或小辣，因為有酸味加持，所以中辣都唔算好辣。寛粉索晒醬汁，口感煙靭，非常Q彈。一如以往，重慶酸辣粉必須要多芫荽同花生！
酸菜魚片
魚片無骨又滑，份量十足，魚肉索哂酸辣湯汁，非常入味。除咗魚片之外，窩內仲有金菇同薯粉，夠晒飽肚。
