【A&M Diary】一年一度嘅生日飯就梗係要食得盡興啦，所以唔少人都鍾意食放題同自助餐慶祝生日！我哋就為大家整理咗全港10間氣氛唔錯嘅生日餐廳，推介任食點心、海鮮火鍋、日韓放題同酒店自助餐俾大家，依家預訂仲有唔少優惠，一齊為下個生日嘅朋友帶嚟美食小驚喜啦！
生日餐廳推介2024年6月| 酒店自助餐 | 1. 馬哥孛羅香港酒店馬哥孛羅咖啡廳
地址：香港馬哥孛羅香港酒店1樓
生日餐廳推介2024年6月 | 酒店自助餐 | 嚟馬哥孛羅咖啡廳嘆生日自助餐，最大賣點當然係海鮮冷盤，選擇有龍蝦、翡翠螺、青口、凍蝦，當然仲有即開即食嘅生蠔啦！另外，刺身選擇就有吞拿魚、油甘魚、八爪魚、鮑片同三文魚；熱葷方面都有焗蠔、蒜蓉粉絲蒸蟶、蒸魚、羊架同肉眼等，絕對適合鍾意食海鮮嘅生日朋友。
生日餐廳推介2024年6月 | 酒店自助餐 | 2. 港威酒店 Three on Canton
地址：尖沙咀廣東道13號海港城港威酒店3樓
生日餐廳推介2024年6月 | 酒店自助餐 | 港威酒店 Three on Canton嘅自助餐食物種類選擇多，而且選擇充滿驚喜，冷盤海鮮有龍蝦鉗、鱈場蟹腳、凍蝦、翡翠螺、小龍蝦，首推當然係大大隻嘅龍蝦鉗，龍蝦鉗勁多肉，而且肉質非常鮮甜！另外，每款食材下都有寫上原產地，食得非常放心。至於刺身就有三文魚、八爪魚、北寄貝同玉子，真係超豐富！
生日餐廳推介2024年6月 | 酒店自助餐 | 3. 逸東酒店普慶餐廳
地址：九龍彌敦道380號香港逸東酒店B1樓層
生日餐廳推介2024年6月 | 酒店自助餐 | 逸東酒店普慶餐廳嘅自助餐以款式多，攞野食嘅範圍超級大取勝，甚至有人叫呢個自助餐為港版自助山！普慶餐廳亦提供生蠔任食， 生蠔算肥美，海水味濃，加少少檸檬汁吊一吊味，就夠喇。除咗生蠔，回本位又點少得海鮮盤呢？呢度提供長腳蟹、青口、螺同蝦，鮮味十足。我就最鍾意長腳蟹，蟹味香濃又勁多肉！另外，凍蝦鮮甜又彈牙呀！
生日餐廳推介2024年6月 | 酒店自助餐 | 4. 香港海洋公園萬豪酒店海灣餐廳
地址：黃竹坑道180號香港海洋公園萬豪酒店
海灣地下生日餐廳推介2024年6月 | 酒店自助餐 | 食buffet嘅回本位點少得海鮮冷盤呢？呢度有珍寶蟹、波士頓龍蝦、雪場蟹蟹腳、海蝦、翡翠螺、東風螺、蜆同藍殼青口等等。海鮮啖啖肉，新鮮無雪味，食幾隻波士頓龍蝦都夠晒回本喇。
生日餐廳推介2024年6月 | 酒店自助餐 | 5. 歷山酒店歷山餐廳
地址：香港北角城市花園道32號歴山酒店歷山餐廳
生日餐廳推介2024年6月 | 酒店自助餐 | 海鮮冷盤方面，有海螺、凍熟蝦、紐西蘭熟青口同蟹腳。特別鍾意勁多肉又鮮甜嘅長腳蟹，仲帶有淡淡嘅海水味，非常新鮮吸引。生蠔即叫即開， 夠晒新鮮，size雖然唔係大大隻，但細細隻反而仲鮮甜，蠔身夠晒飽滿，海水味濃，好creamy！
生日餐廳推介2024年6月 | 酒店自助餐 | 6. 荃灣西如心酒店Café Circles
地址：香港荃灣楊屋道8號荃灣西如心酒店9樓
生日餐廳推介2024年6月 | 酒店自助餐 | 荃灣西如心酒店嘅Café Circles最大賣點就係物超所值！海鮮冷盤選擇有長腳蟹蟹腳、螺、青口、蝦同小龍蝦等，全部都好新鮮，仲帶有淡淡嘅海水味。刺身除咗常見嘅三文魚、吞拿魚，希靈魚、北寄貝之外，仲有我最鍾意嘅甜蝦！另外，酒店不定期都會更新自助餐主題，好似之前嘅日式同味遊意大利主題！
