0
0
〈好食〉天后地道暹羅風 泰出色泰國餐廳

〈好食〉天后地道暹羅風 泰出色泰國餐廳

【A&M Diary】天后嘅食街出名多嘢食,應有盡有,琳瑯滿目。而喺食街屹立多年,主打泰國菜嘅泰出色泰國餐廳就係我哋嘅心水推介。餐廳內掛上泰王及王后嘅相片,可想而知餐廳由傳統嘅泰國人主理,出品充滿地道暹羅風。

 


泰式小食拼盤
今次我哋叫咗二人餐,套餐非常豐富抵食。除咗湯之外,前菜嘅泰式小食拼盤,就有2串泰式沙嗲串燒豬、泰式炸蝦餅同埋泰式炸春卷。兩款炸物都好香脆,特別喜歡泰式炸蝦餅,蝦肉份量勁多,食嘅時候夠晒彈牙。泰式沙嗲串燒豬有意想不到嘅肉嫩,加上微微嘅焦香,非常惹味。

泰式焗粉絲虎蝦煲
隻隻虎蝦都大大隻,肉質彈牙之餘,仲要爆多蝦膏。重點當然係墊底嘅粉絲,完美地吸收晒蝦膏嘅鮮甜味,加上蒜蓉嘅香味,又香又濃!另外,伴隨蝦煲嘅仲有泰國香蔥蒜蓉包,建議上枱先食,如果唔係,粉絲就會索晒啲醬汁呀!

無骨海南雞
啖啖肉嘅無骨海南雞,啱晒我哋呢啲懶人!金黃色嘅雞皮,望見就流晒口水。雖然呢啲無骨海南雞係雞胸肉,好彩雞肉尚算嫩滑,而且海南雞唔肥,唔會成個碟都係油,所以食嘅時候無咁大負擔。

菠蘿雞粒炒飯
唔知大家最中意泰式菠蘿炒飯邊一種配菜? 我就最中意提子乾喇!甜甜哋嘅提子乾,除咗令人更開胃之外,重點係增加整個炒飯嘅口感。至於飯粒炒到粒粒金黃色並且粒粒分明,乾身得嚟又充滿淡淡黃薑同咖喱味。

泰式珍多冰、泰式奶茶
除咗甜品之外,套餐仲有飲品。泰國嘢嘅特飲又點少得珍多冰同泰式奶茶呢!珍多冰嘅綠豆粉條、椰汁、椰糖同冰碎,椰香味極濃,鍾意椰汁必點;至於泰式奶茶奶,奶香十足,但又唔會蓋過茶味,比例啱啱好。

  1. 更多
  1. 夏至全港多區天氣酷熱 市區最高溫度達33.9度
    夏至全港多區天氣酷熱 市區最高溫度達33.9度
    1小時前
  2. 【世味天下】紀錄片顯示奧本海默或曾當面親自向原爆幸存者灑淚道歉
    【世味天下】紀錄片顯示奧本海默或曾當面親自向原爆幸存者灑淚道歉
    1小時前
  3. 【世味天下】受俄烏戰事影響 哈爾科夫兩頭白鯨遷徙至西班牙
    【世味天下】受俄烏戰事影響 哈爾科夫兩頭白鯨遷徙至西班牙
    1小時前
  4. 秀茂坪社區服務中心開幕 新增多項智能設施
    秀茂坪社區服務中心開幕 新增多項智能設施
    1小時前
  5. 特朗普:在美國大學畢業的外國學生應自動獲發綠卡
    特朗普:在美國大學畢業的外國學生應自動獲發綠卡
    1小時前
  6. 路透社:中美時隔5年再舉行半官方核武對話
    路透社:中美時隔5年再舉行半官方核武對話
    1小時前
  7. 安徽受暴雨侵襲 重慶六河流現超警戒水位洪水
    安徽受暴雨侵襲 重慶六河流現超警戒水位洪水
    1小時前
  8. 【瑞士萬億私募港設辦】合眾集團:港有潛質成為一流財管中心
    【瑞士萬億私募港設辦】合眾集團:港有潛質成為一流財管中心
    1小時前
  9. 【推動去庫存】住建部:購商品房作保障房工作擴至全國
    【推動去庫存】住建部:購商品房作保障房工作擴至全國
    1小時前
  10. 【上半年預測】德勤:有30隻新股掛牌 集資額縮27% 冇巨無霸IPO
    【上半年預測】德勤:有30隻新股掛牌 集資額縮27% 冇巨無霸IPO
    1小時前