【A&M Diary】冬菇亭大排檔保留香港獨特嘅飲食文化、更可感受街坊間嘅人情味。但傳統嘅冬菇亭大排檔喺香港所剩無幾，想去嘆番杯正宗絲襪奶茶，就要喺冬菇亭大排檔成為集體回憶前，嚟到石硤尾南山邨大排檔，喺充滿舊香港回憶嘅南山咖啡室，嘆一份浸沉式嘅港式早餐。
港式早餐
最受歡迎嘅港式早餐，當然就係沙嗲牛肉麵啦！麵底用上大排檔常見嘅大光麵，絕對係茶餐廳嘅靈魂。至於沙嗲牛肉正正常常，未會有咩驚艷感覺。除咗主食之外，仲配有雙蛋和方包，貫徹港式早餐嘅大份兼飽肚感。至於餐飲就揀咗夠晒解喝嘅凍檸茶。
講真，港式早餐作為唔少人嘅comfort food，難以會有令人驚喜感覺。不過，南山咖啡室嘅賣點係人情味，唔少街坊嚟到，叫杯奶茶咖啡，睇吓報紙，同老闆閒聊，而我雖然係邨外人，但仍能浸沉式感受這種情懷。
