【A&M Diary】以前去茶樓食點心；依家喺茶餐廳都有點心食。以前由師傅製作精緻點心；依家由工場製作點心。雖然點心嘅前世今生都幾大轉變，但飲茶食點心仍然成為一家人假日嘅熱門活動。所以我哋family day嘅第一個行程就由太和譽小館開始。
譽小館蝦餃皇
被餐廳冠名嘅蝦餃，相信係譽小館嘅招牌菜！蝦餃皮都算幾薄，餡料份量十足，蝦肉大大隻，而且爽口彈牙。
金珠鹹水角
好耐無食過鹹水角喇！鹹水角嘅外皮厚薄適中，炸得香口，配料豐富。
醬皇鳳爪
鳳爪索晒濃郁嘅醬汁，都幾惹味。
