【A&M Diary】因為戰亂，所以有人話最好味嘅越南Pho，喺澳洲同加拿大；同樣道理，最好味嘅潮州打冷，有人話喺香港。香港嘅潮州打冷餐廳確實好多，喜愛打冷嘅味道？其實更喜歡佢嘅氣氛。嚟到九龍城嘅新城潮州飯店，讓久違嘅傳統氣氛帶進味蕾。
潮州鹵水鵝片
食潮州打冷，又點少得鹵水鵝片呢？鵝片嘅厚薄度切得啱啱好，每塊鵝片都索飽香濃嘅鹵水汁，味道極具層次。
潮式烏頭
超正！烏頭完全無泥味，肉質扎實，而且師傅刀功了得，預先幫烏頭起骨，所以食嘅時候啖啖肉。
韮菜豬紅
好大方嘅韮菜豬紅，豬紅份量超多！而且豬紅夠晒滑，一啲都唔散，勁入味。
