【A&M Diary】電車比地鐵慢，但可以隨電車嘅慢節奏，由喧鬧嘅筲箕灣，途經世界金融中心嘅中環，去到老香港嘅堅尼地城。電車除咗海岸線嘅路段之外，跑馬地更加係電車獨市經營嘅鐵路路線。所以今日坐電車嚟到跑馬地，嚟到呢間極具和式風情嘅山喬居酒屋，開啟我哋嘅電車美食地圖。
串燒
作為一間居酒屋，當然要叫串燒啦！串燒選擇非常多，我哋就叫咗蘆筍豚肉串、雞腎、雞軟骨。爽口嘅雞腎同雞軟骨係我哋嘅大愛，店主用咗少少鹽調味，鹹香加上焦香，非常惹味！
清酒廣島蠔
蠔身飽滿鮮甜，以香醇嘅清酒提味，一啲都唔苦，比例啱啱好！
