【A&M Diary】甜、酸、苦、辣、鹹，五種味道，邊一種最吸引你呢？當唔開心嘅時候，就最想食甜嘢；當無乜胃口嘅時候，就最想食酸酸辣辣，夠晒開胃醒神呀！嚟到紅磡嘅銘興酸菜魚，酸辣嘅刺激感，令胃口大開，越食越滋味！
麻辣小龍蝦
呢個小份嘅份量超多呀！就咁眼見已經裝滿成個盤，估計至少都有二十隻。2至3個人當小食都夠晒食！麻辣汁好入味，小龍蝦頭有好多膏，蝦肉雖細但十分彈牙。店員好細心地提供手套，唔洗食到對手污糟邋遢。
涼拌海蜇
涼拌海蜇味道偏辣，而海蜇比較厚身，充滿口感，而且非常掛汁，所以比較辛辣。
銘興招牌無刺老壇酸菜魚
餐牌嘅選擇好多，但一場嚟到當然要試吓佢地嘅招牌無刺老壇酸菜魚啦！每舊魚都非常滑同軟，重點係無骨啖啖肉。呢碗揀咗配米線。湯底唔會過酸，但係酸酸辣辣過程中令人特別開胃。
