0
0
【新年好去處2023】10大農曆新年活動/年宵市場/行大運好去處/商場新春裝飾

【新年好去處2023】10大農曆新年活動/年宵市場/行大運好去處/商場新春裝飾

【A&M Diary】【農曆新年好去處2023】今年1月就過年,送虎迎兔!今年農曆新年港九新界都有唔少農曆新年慶祝新春活動,例如年宵花市、寺廟、行大運好去處、商場新春裝飾等,我哋A姐M佬就為大家整理農曆新年新春好去處2023攻略,一文睇清香港各區農曆新年新春好去處!

 

農曆新年好去處2023|1. 年宵市場花市
農曆新年好去處2023 | 新年又點可以唔行年宵花市?今年新年嘅年宵市場花市將於2023年1月16日到22日舉行,一連七日,喺全港15個地點舉行,總有一個喺左近!其中銅鑼灣維園年宵設有175個攤位,係全港最大型年宵市場!其次係荃灣沙咀道遊樂場同元朗東頭工業區遊樂場,設有96個攤位!

農曆新年好去處2023|2. 香港大埔林村許願節
農曆新年好去處2023 | 好消息!因為早前疫情停辦嘅大埔林村許願節會喺2023年兔年強勢回歸!林村許願廣場將於兔年農曆年初一至十五(2023年1月22日至2月5日)上午8時30分至下午6時30分舉辦「香港許願節2023」。大家可以喺林村許願廣場參與大埔林村許願節同各種傳統節慶活動,喺許願樹前拋寶牒、放蓮花燈祈福、大玩攤位遊戲等!

農曆新年好去處2023|3. 黃大仙祠頭炷香
農曆新年好去處2023 | 新年另一傳統就係喺年三十晚去黃大仙祠上頭炷香,祈求新一年事事順利。大家記住年三十(2023年1月21日)準備好出發搶頭炷香啦!

農曆新年好去處2023|4. 車公廟車公誕
農曆新年好去處2023 | 除咗黃大仙祠,車公廟亦係市民新年祈福必去嘅另一景點,車公誕每年共有4日(農曆正月初二、三月二十七、六月初六同八月十六),市民可以購買香或風車,透過轉動風車同擊鼓祈求好運。

農曆新年好去處2023|5. 慈山寺
農曆新年好去處2023 | 慈山寺將於新年期間舉行「新春禮藥師寶懺法會 2023」,以清淨心持名參拜《藥師寶懺》,祈請事事如意,合家平安。1月22日至1月24日到寺參學的公眾人士可參與,不設預先報名。

農曆新年好去處2023|6. 南蓮園池 + 志蓮淨苑
農曆新年好去處2023 | 南蓮園池座落於鑽石山志蓮淨苑旁,是康樂及文化事務署轄下的公園,內有各種樹木、山石同池水,建構出唐代園林的藝術特色。另外,志蓮淨苑嘅中庭有兩個荷花池,被稱為梅池同詠池,志蓮淨苑有唔同嘅大殿,外觀影相都幾靚,但如果想參拜天王殿,就要留意開放時間至下午四點。而嚟到志蓮淨苑,就梗係要細味佢嘅建築風格啦!以唐代傳統木構建築為藍本,以榫接方式興建,都幾壯觀㗎!有興趣嘅朋友,仲可以去志蓮素齋食齋菜!

農曆新年好去處2023|7. 太古廣場
農曆新年好去處2023 | 為慶祝農曆新年,太古廣場將與經典糖果品牌「大白兔」合作,首次於香港呈獻大白兔限定期間限定店。期間限定店將於2023年1月10日至2月5日登陸太古廣場,同時推出初次在港亮相的新口味奶糖同各款限量主題系列精品!另外,太古廣場仲準備咗各項精彩購物禮遇同限量版大白兔立體利是封!

農曆新年好去處2023|8. 新城市廣場
農曆新年好去處2023 | 新城市廣場聯同HomeSquare攜手打造「花.團.錦簇」新春裝置,大家可以喺片片浪漫花田中大展鴻「兔」!新城市廣場將首爾﹑京都同台北嘅花海搬到商場,打造「萌兔遊花海」,大家可以喺粉黛波波草田、繡球花園、櫻花樹下同埋逾4米高萌兔打卡。另外,HomeSquare就設有「千葉縣油菜花田」,大家可以喺一片悠悠花田同日式鐵道上打卡影相!

農曆新年好去處2023|9. The ONE + 皇室堡
農曆新年好去處2023 | The One同皇室堡聯同「Whateversmiles x PLASTIC THING」舉辦「The ONE‧皇室堡 x PLASTIC THING 為食天神祭」,由2023年1月7日至2月5日期間,PLASTIC THING系列角色,包括為食妹、Puffy、女神及光頭仔來到兩個商場8個打卡位,以及期間限定店跟大家恭賀新禧!

農曆新年好去處2023|10. 置富malls
農曆新年好去處2023 | 台灣超級網紅貓主子「黃阿瑪」率領後宮,聯同置富Malls旗下4大商場興建農曆年期間限定行宮,為市民呈獻「黃阿瑪喵運駕到」,以「黃阿瑪」唔同宮殿作主題,打卡一流!

  1. 更多
  1. 在內地擁有物業 公屋戶獲發遷出通知書
    在內地擁有物業 公屋戶獲發遷出通知書
    6小時前
  2. 迪士尼魔雪奇幻之旅 融合環保概念
    迪士尼魔雪奇幻之旅 融合環保概念
    2小時前
  3. 台灣素食店中毒死者驗出米酵菌酸 毒素全台首見
    台灣素食店中毒死者驗出米酵菌酸 毒素全台首見
    2小時前
  4. 東九文化中心「花海」亮燈 不再白茫茫一片
    東九文化中心「花海」亮燈 不再白茫茫一片
    2小時前
  5. 國足原主教練李鐵涉貪案一審 李鐵認罪悔罪法庭擇期宣判
    國足原主教練李鐵涉貪案一審 李鐵認罪悔罪法庭擇期宣判
    3小時前
  6. 日本進口瓶裝黑醋產品可能含懷疑有問題紅麴成分
    日本進口瓶裝黑醋產品可能含懷疑有問題紅麴成分
    3小時前
  7. 小米電動車上市 售價廿多三十萬人民幣
    小米電動車上市 售價廿多三十萬人民幣
    3小時前
  8. 《讓子彈飛》原著作者馬識途病逝 享年110歲
    《讓子彈飛》原著作者馬識途病逝 享年110歲
    4小時前
  9. 英王查理斯三世發表錄音講話 強調艱難時刻互相扶持重要性
    英王查理斯三世發表錄音講話 強調艱難時刻互相扶持重要性
    4小時前
  10. 曼谷機場網絡故障 香港快運兩班機延遲起飛
    曼谷機場網絡故障 香港快運兩班機延遲起飛
    4小時前