【A&M Diary】原來我哋好耐都無食過台灣菜喇！所以今日dinner嚟到朗豪坊，二話不說直上11樓，去朋友介紹嘅勝面，試試久違嘅台灣菜。點知上到去，真係有人籠呀，證明呢間餐廳應該都唔錯。等咗大概10-15分鐘，終於有位喇。餐廳主打白色簡約，好有文青feel呀！
涼拌手撕無骨鹽水雞
手絲雞肉份量唔少，麻油香味十足，雞肉無骨夠滑，鹹香味十足，夠晒惹味。
涼拌豚白肉
呢個豚白肉，用上秘製嘅辣椒油，少少辣，最喜歡係唔會太有油膩感。
台式香腸滷肉飯
滷肉飯係最古早嘅台灣風味，但要做得好味一啲都唔容易。而呢度就一定合格！鹵水汁香口，肉碎超多，鹵得夠晒入味，仲有淡淡嘅花椒八角香氣，餸飯一流。而台式香腸好香口，仲有醃蘿蔔同鹵水蛋，夠晒豐富同抵食。
