【Viu】MIRROR嘅紅館騷主題曲《WE ARE》MV相信帶咗唔少歡樂俾鏡粉，12子喺MV入面化身銀河宇宙守護隊隊員，保衛地球同時大放笑彈，個個成員放低偶包，就算顏值崩壞都完全唔care，擺明唔驚俾大家cap黑圖！佩服啊！佢哋拍攝當時仲即場度咗唔少搞笑橋段，為求博鏡粉一笑，好似Alton嘅發癲發狂嘅舞步，仲有Jer同Edan呢對孖寶嘅演出，搞笑本色出晒嚟，真係笑爆肚啊！而喺佢哋12子心目中今次嘅MVP就係Jer同Frankie嘞！Lokman大讚皮皮高功，嘢嘢都中，表現爆燈，而Edan就話Jer最搞笑嘅地方係懶特別，件衫剩係著單邊，Jer即刻扁咀回應：「花姐話OK嘅。」
MIRROR亦溫提大家，嚟緊入場睇佢哋嘅紅館騷記得背好歌詞，仲要戴定多一個口罩同毛巾，事關現場太hot，會出汗整濕晒啊！而Ian就提大家記得去定廁所，事關成個騷都冇廁所位啊！另外姜濤、Edan、Ian同Stanley嘅新劇《季前賽》亦落實咗播出日期，嚟緊8月29號起就可以喺電機見到佢哋喺籃球場上嘅英姿，真係勁期待啊！
