【Viu】噚晚8點相信全港爵屎都死守緊YouTube，等睇Edan今年第一首Solo歌《Elevator》MV首播！點知換嚟嘅竟然係一次又一次嘅欺騙！連續兩次話出又唔出住，百厭星Edan揀喺愚人節出新歌，真係攞正牌玩整蠱呀！不過見到大家燥底嘅留言，佢都即刻喺IG開Live向大家Say Sorry啊！不過新歌咁好聽，MV又搵嚟多位神秘嘉賓，包括教主Anson Lo、Jer、羅家英、阮小儀同Coba鄭晉軒客串演出，大家睇完都即刻開心晒啦！而且今次Edan首度挑戰跳唱歌，除咗搵嚟老師肥仔@ERROR擔任編舞，自己都有俾Idea自創《Elevator》嘅招牌手勢舞，希望大家都可以跟住跳，加深對新歌嘅印象啊！
