人氣男團 MIRROR 成員李駿傑（Jeremy）首支個人單曲《半》昨日終於面世，並邀得獲今屆金像獎女配角雙提名的廖子妤（Fish）擔任MV女主角。由於有六位隊友已單飛出道，Jeremy 指自己的新歌風格迥異，希望12位成員都可展示獨特一面。
首次單飛出歌，Jeremy 坦言心情緊張，「話晒前面有6個兄弟出咗作品，不過我今次推出嘅風格又同前面6個風格完全唔同，係可以區分到嘅第7個Style，透過我哋每個人嘅Solo歌，可以話俾大家知，我哋12個人都有自己獨特一面，希望可以製造更多唔同風格，令到香港或者其他地方嘅聽眾，可以有唔同嘅選擇。」
隊友的呂爵安（Edan）亦立即為 Jeremy 助攻宣傳，分別以溫柔版及激昂版彈奏歌曲旋律。Edan 又大讚作品將 Jeremy 的特色完全展示出來，「我們以前常說，努力的人是會被看到的，是金子總會發亮的，現在就是你發光發亮的時候了。」
這次歌曲創作 Jeremy 點名找王雙駿（Carl）擔任歌曲監製，並由吳林峰作曲、周耀輝填詞，Jeremy 笑指當初吳林峰完成第一稿，Carl 要他再作修改，然後吳在看半小時鬼片後便完成《半》的旋律創作。Jeremy：「今次《半》呢首歌，係想話人有唔同嘅面向，但好多時候喺好同壞之間，大家總會忽略、拒絕接受壞嘅一面，但作為一個人，係需要接受所有面向，接受自己嘅不同面貌。接受咗，了解自己最渴望嘅，就去正視佢，努力變成自己想成為嘅人。」
在歌曲MV中 Jeremy 是墮落天使，並產生由 Fish 飾演的黑暗化身。Jeremy：「我一開始知Fish做女主角，已經覺得好勁，到拍MV嗰日上晝金像獎提名出爐，Fish收到好消息，就覺得成件事好Amazing！」可惜 Jeremy 與 Fish 在MV中交流不多，他相當欣賞對方演技，期待日後有更多不同形式的合作。
