0
0
[芒草季必睇] 大東山行程/路線/交通/難道/景點之芒草打卡全攻略

[芒草季必睇] 大東山行程/路線/交通/難道/景點之芒草打卡全攻略

[芒草季必睇] 大東山行程/路線/交通/難道/景點之芒草打卡全攻略

【A&M Diary】秋高氣爽最適合就梗係郊遊啦,而每年嘅11月中至12月中都係香港嘅芒草旺季!香港雖然有唔少睇芒草嘅熱門地點,但講到名氣最大嘅就梗係位於大嶼山嘅大東山啦!大東山係香港第三大高峰,整段路程屬於中級難道,所以出發打卡前,大家記住做足準備,睇睇A姐M佬呢篇芒草打卡全攻略,就可以輕鬆登頂,享受郊遊行山嘅樂趣。

大東山芒草季必睇 – 介紹篇
大東山位於大嶼山,高869米,係香港第三高嘅山峰,僅次於957米嘅大帽山同934米嘅鳳凰山。其實869米即係幾高呢?就以位於中環,高412米嘅國際金融中心二期(IFC)為對比,大東山比兩座IFC仲要高,所以大家絕對唔好輕視大東山呀!不過,唔好咁快就俾佢嚇怕,繼續睇落去,我哋會介紹一條捷徑俾大家,等你哋行少啲,相對容易咁登頂。

大東山芒草季必睇 – 須知篇
1. 全程不設任何補給站,大家出發前記住預備所需物品
2. 記住保持環境清潔,自己垃圾自己帶走,絕對唔可以破壞大自然環境
3. 屬於中級路線,超多梯級,沿路上沿路落,大家記住量力而為
4. 攻頂前嘅一小段路並無梯級,上落非常跣,一定要戴行山手套、行山手杖同著行山鞋;如果諗住睇日出或日落嘅,山路全程無街燈,記住帶埋電筒呀
5. 不要踐踏芒草同採摘花草,愛護大自然
6. 大家真係要保持聲浪,我哋今次嘅行山過程中就有好多人開住大喇叭,其實大家嚟大自然都係想享受寧靜嘅環境,呢啲自私嘅行為真係好乞人憎架!!

大東山芒草季必睇 – 季節篇
大東山嘅英文名叫Sunset Peak,顧名思義大東山睇日落係非常出名架!仲有唔少人鍾意嚟大東山睇日出同雲海,但講到名氣最高就一定係每年11月中至12月中嘅大東山芒草季啦!大家想去大東山同芒草打卡,就記住bookmark定日期時間喇!

大東山芒草季必睇 – 難道篇
其實上大東山有3條路線,行山經驗相對豐富嘅人仕會選擇由黃龍坑道或南山上山,雖然路段唔算太斜,但由於爬升幅度高,時間較長,所以體力消耗較多,對於行山經驗唔多嘅朋友,就唔建議選擇呢兩條路線喇!建議大家可以搭巴士去到340.8米高嘅伯公坳起步,由起步點到山頂嘅高度就只有529米!雖然529米仍高於一座國際金融中心二期,但已經係一條相對容易登頂嘅捷徑呀!

大東山芒草季必睇 – 交通篇
如果同我哋一樣,選擇由伯公坳起步,只要喺東涌坐嶼巴11號或23號巴士喺伯公坳落車,上車前記住同司機講聲呀,因為會有分段收費優惠!

大東山芒草季必睇 – 路線篇
由伯公坳落車之後,就會見到行山路牌,一邊上鳳凰山,另一邊就係上大東山,記住唔好行錯呀!雖然話係捷徑,相對輕鬆,但其實又一啲都唔輕鬆,一起步嘅頭個半鐘,都係石級山路,不斷行樓梯,而且每級都非常高,行嘅時候會非常索氣,好多人或者都會同A姐一樣,萌生多次放棄念頭!但呢個就係行山嘅好玩之處,相信自己,挑戰自己,就會好有成功感喇!所以行山嘅同伴好重要,如果個個都係容易放棄嘅朋友,應該好難到達目的地。

喺呢個半鐘頭嘅石級山路,只有兩個木凳嘅休息點,除咗距離遠,仲會坐滿人,所以好多人都會沿路就地而坐,稍作休息。

大東山芒草季必睇 – 景點篇
全程直到山頂約兩個鐘,有多個打卡景點,話晒咁辛苦行上行落,真係唔可以錯過呀!

  1. 更多
  1. 陳茂波:八月份出口跌幅會繼續擴大
    陳茂波:八月份出口跌幅會繼續擴大
    1小時前
  2. 譚耀宗倡內地其他省市設健康驛站增港人北上名額
    譚耀宗倡內地其他省市設健康驛站增港人北上名額
    6分鐘前
  3. 陳茂波:八月份出口跌幅會繼續擴大
    陳茂波:八月份出口跌幅會繼續擴大
    8分鐘前
  4. 有脊髓肌肉萎縮症患者冀綜援與醫療津貼勿綑綁 鼓勵病患者工作
    有脊髓肌肉萎縮症患者冀綜援與醫療津貼勿綑綁 鼓勵病患者工作
    59分鐘前
  5. 兒科醫生稱過去兩年小童少接觸流感病毒或更易感染
    兒科醫生稱過去兩年小童少接觸流感病毒或更易感染
    1小時前
  6. 【9月25日疫情速報】(10:45)
    【9月25日疫情速報】(10:45)
    1小時前
  7. 積金局:「積金易」平台目標為降低行政費55%
    積金局:「積金易」平台目標為降低行政費55%
    1小時前
  8. 內地新增760宗新冠本土個案
    內地新增760宗新冠本土個案
    2小時前
  9. 詹志勇:香港路邊樹木生長受制空間與土壤 潛藏倒塌危機
    詹志勇:香港路邊樹木生長受制空間與土壤 潛藏倒塌危機
    3小時前
  10. 俄反戰示威持續多人被捕 外長稱俄軍行動是別無選擇
    俄反戰示威持續多人被捕 外長稱俄軍行動是別無選擇
    3小時前