0
0
香港文化博物館全新常設展覽 瞧潮香港60+細味香港娛樂文化

香港文化博物館全新常設展覽 瞧潮香港60+細味香港娛樂文化

香港文化博物館全新常設展覽 瞧潮香港60+細味香港娛樂文化

【A&M Diary】曾被稱為「東方荷里活」嘅香港演藝界,曾經誕生過無數天皇巨星,無論電影、電視劇、電台節目、音樂唱片、舞台劇都喺亞洲舉足輕重。由80年代嘅殿堂級巨星、90年代嘅四大天王、00年代嘅人氣偶像同組合,至近期大熱,席捲全城嘅本土男團 MIRROR,都煥發出一個又一個嘅光芒。想了解香港演藝界嘅娛樂圈歷史同文化,就可以嚟到香港文化博物館嘅全新常設展覽:瞧潮香港60+!

前往方法
港鐵:於屯門線車公廟站A出口,步行約 5 分鐘即可到達香港文化博物館

香港文化博物館
香港文化博物館係全港最大規模嘅博物館,以中國傳統四合院佈局,分為常設展覽廳同專題展覽廳,最多可提供12個唔同類型嘅展覽,另設有一個劇院、商店及餐廳。近期嘅常設展覽分別有:介紹昔日流行玩具嘅兒童探知館、展示金庸武俠小說嘅金庸館、以粵劇為主題嘅粵劇文物館、展出趙少昂與其他當代大師作品嘅趙少昂藝術館、珍藏中國文物及藝術品嘅徐展堂中國藝術館、以李小龍為主題嘅武‧藝‧人生──李小龍等,當然仲有呢個以香港娛樂圈為主題嘅瞧潮香港60+!

中西滙萃熱潮
香港嘅五、六十年代,經濟開始急速成長,當時嘅民間主流娛樂就係粵劇同國語歌舞片!另外,香港人開始接觸到西方流行文化,年青人開始流行舞會派對、英文歌同Band sound文化。

電台
麗的呼聲為香港最早嘅本地電台,設有英、粵、國語等多個播放時段。至50年代中後期,發明咗無線收音機,令電台成為香港嘅主流娛樂,而香港商業電台喺1959年啟播,並以人氣 DJ 打造音樂節目、廣播劇同音樂龍虎榜,令香港樂壇發展更快速,同時殿定電台喺樂壇嘅影響力至今。

電影
港產片係香港重要嘅產業,香港電影多年嚟風靡全球,成為華人文化嘅一大標記,所以有人話「有華人嘅地方,就有香港電影」。香港嘅電影由粵語長片起家,當時主要係音樂劇同黃飛鴻主題嘅功夫電影;至70年代李小龍電影更將香港電影國際化;喺80年代,港產片嘅產量、票房都達到巔峰,電影產值更僅次於美國荷里活,當中最受歡迎嘅就係「許氏兄弟」嘅喜劇電影,其中《半斤八兩》更係七十年代香港最賣座電影。90年代中後期因為盜版、日本電影同韓國電影盛行,令香港電影開始萎縮,只有少數港產電影成功獲得關注,例如:《無間道》。另外,創辦於1982年嘅香港電影金像獎,更加係華語電影嘅指標,喺香港文化博物館就有香港電影金像獎嘅獎座俾大家欣賞喇!
(版權問題,唔可以影相)

流行音樂
香港嘅本土流行音樂可以追溯番70年代,當時電視劇盛行,開始推出大量電視劇主題曲。至80年代就係實力歌手橫行嘅時間,粒粒都係經典巨星,當中合稱「三王一后」嘅譚詠麟、張國榮、陳百強同梅艷芳,更加雄霸樂壇,唱片銷售、演唱會場數屢創高峰;至90年代初,社會愈趨繁榮,成功造就多位樂壇天王天后出現,係本地流行音樂發展嘅巔峰時期,當中四大天王更成就咗香港嘅追星交化,亦開始有偶像派歌手嘅出現;雖然香港樂壇同樣受到盜版同外地音樂衝擊,但千禧年代同樣盛行人氣偶像同組合;至近期大熱,席捲全城嘅本土男團 MIRROR,都煥發出一個又一個嘅光芒。

  1. 更多
  1. 【晨早新聞重點】(12月8日)
    【晨早新聞重點】(12月8日)
    1小時前
  2. 澳洲宣布不派官員出席北京冬奧
    澳洲宣布不派官員出席北京冬奧
    23分鐘前
  3. 警方凌晨在旺角截停一部私家車檢獲懷疑毒品 司機涉嫌販毒被捕
    警方凌晨在旺角截停一部私家車檢獲懷疑毒品 司機涉嫌販毒被捕
    1小時前
  4. 網店稱顧客出示疑似警員委任證催促發貨 警方指正了解事件
    網店稱顧客出示疑似警員委任證催促發貨 警方指正了解事件
    9小時前
  5. 鄧炳強嚴厲譴責羅冠聰詆毀中央和特區 羅冠聰:不會屈服於威嚇
    鄧炳強嚴厲譴責羅冠聰詆毀中央和特區 羅冠聰:不會屈服於威嚇
    9小時前
  6. 美俄領袖視像峰會 商討烏克蘭局勢
    美俄領袖視像峰會 商討烏克蘭局勢
    9小時前
  7. 【12月7日疫情速報】(23:10)
    【12月7日疫情速報】(23:10)
    9小時前
  8. 英國政府被揭喀布爾撤離行動涉大量人為疏忽
    英國政府被揭喀布爾撤離行動涉大量人為疏忽
    9小時前
  9. 歐盟當局建議接種首兩劑或加強劑疫苗均可「溝針」
    歐盟當局建議接種首兩劑或加強劑疫苗均可「溝針」
    9小時前
  10. 比利時大規模示威抗議政府強制醫護接種新冠疫苗
    比利時大規模示威抗議政府強制醫護接種新冠疫苗
    9小時前