0
0
〈好食〉歐洲宮廷氣派歷山酒店 北角歷山餐廳半自助餐

〈好食〉歐洲宮廷氣派歷山酒店 北角歷山餐廳半自助餐

〈好食〉歐洲宮廷氣派歷山酒店 北角歷山餐廳半自助餐

【A&M Diary】位於炮台山嘅歷山酒店以維多利亞時期為設計風格,當我哋踏入酒店,就好似置身喺歐洲嘅宮殿,勁多打卡位呀!除咗打卡,我哋仲嚟到歷山酒店內嘅歷山餐廳嘆個半自助午餐添!更估唔到嘅係呢個半自助午餐嘅CP值超高,除咗自取區選擇豐富,更重要係主菜質素夠晒驚喜呀!

半自助餐區
歷山餐廳嘅自助區範圍好大,選擇超多:前菜、沙律、餐湯、海鮮、刺身同甜品等等,非常豐富,真係未食主菜都已經飽咗7成喇!

前菜
無論係半自助餐區定主菜menu都會不定期更新,以讓食客有新鮮感。其中前菜方面,除咗火腿之外,大廚亦特意安排四川小食,今期嘅四川風味就有川辣酸薑皮蛋,酸薑清香爽脆,皮蛋泛起溏心,軟綿滑溜,夠晒醒胃。

沙律
鍾意食沙律嘅人,呢個沙律吧確實唔可以錯過!沙律菜有成10款選擇,款款都夠晒新鮮爽脆;醬料有5款而配料亦有4款點綴。

餐湯
餐湯就有中西式兩款,西湯係creamy嘅南瓜湯,南瓜超鮮甜濃郁,打得綿滑無渣;至於中湯就係節瓜章魚煲豬骨,近排少湯水嘅我哋就啱晒,因為非常足料,感覺無落味精。

海鮮
喺半自助餐時段,餐廳提供凍蝦、螺同青口,樣樣都夠晒新鮮。我哋特別推介螺,因為真係非常鮮甜,肉身彈牙!另外,除咗海鮮凍盤,餐廳亦有提供任食嘅芝士焗生蠔,蠔肉鮮甜,肉質豐厚,芝士夠creamy,生熟程度啱啱好。

刺身
無論係自助餐定半自助餐,刺身都係唔少得。今日嘅選擇有三文魚、甜蝦、魷魚等。其中三文魚提供唔少腩位,油脂比例豐富,好好味呀! 

炭燒美國西冷扒配紅酒汁
終於嚟到主菜喇!牛扒我哋揀咗5成熟,生熟度啱啱好,肉味濃郁,好juicy。至於薯塊亦炸得非常香脆,薯味濃郁。

蒜香鵝肝牛柳
主菜除咗西式選擇,仲有唔少中式小菜。我哋就叫咗蒜香鵝肝牛柳,鵝肝大大粒,入口即熔,鵝油豐富。至於牛柳軟腍,份量十足。仲有好多炸蒜片,夠晒香口,夾埋牛柳同鵝肝一齊食就更有口感。

甜品
提提大家記住留肚食甜品呀!呢度嘅半自助午餐供應5-6款甜品,其中芒果拿破崙蛋糕啲芒果爆多,夠晒鬆化,真係好好味呀!另外,仲有芝士蛋糕、水果同啫喱,非常豐富。

  1. 更多
  1. 政府建議膠袋稅加至1元 目標今年12月31日起實施
    政府建議膠袋稅加至1元 目標今年12月31日起實施
    53分鐘前
  2. 烏克蘭扎波羅熱遭受俄軍轟炸 最少三死
    烏克蘭扎波羅熱遭受俄軍轟炸 最少三死
    37分鐘前
  3. 【附連結】67個地方納入強制檢測公告 (10月6日)
    【附連結】67個地方納入強制檢測公告 (10月6日)
    1小時前
  4. 泰國幼兒中心槍擊案最少釀38死 死者大部分是兒童
    泰國幼兒中心槍擊案最少釀38死 死者大部分是兒童
    1小時前
  5. 【10月6日疫情速報】(20:30)
    【10月6日疫情速報】(20:30)
    1小時前
  6. 法國小說家埃爾諾奪今屆諾貝爾文學獎
    法國小說家埃爾諾奪今屆諾貝爾文學獎
    1小時前
  7. 航空機組人員:國泰削四成機師危及香港航空樞紐地位 國泰:航班運力需時逐步恢復
    航空機組人員:國泰削四成機師危及香港航空樞紐地位 國泰:航班運力需時逐步恢復
    1小時前
  8. 所羅門群島強調不容他國在當地設立軍事基地
    所羅門群島強調不容他國在當地設立軍事基地
    2小時前
  9. 日韓指北韓時隔兩天再試射彈道導彈 日韓領袖通電話商朝鮮半島局勢
    日韓指北韓時隔兩天再試射彈道導彈 日韓領袖通電話商朝鮮半島局勢
    2小時前
  10. 醫學會會長鄭志文指政府應檢視整體防疫措施以符合現狀
    醫學會會長鄭志文指政府應檢視整體防疫措施以符合現狀
    2小時前