【裝修佬】燈具燈飾係家居不能缺少嘅設備之一，而多種燈具都有各自嘅優缺點。究竟燈飾幾多種，應該點揀？室內燈光配置有啲咩要注意？
第一款係吸頂燈，又叫吸嘴燈，係香港常見嘅燈具。吸嘴燈上方較扁平，燈位直接裝喺樓頂，下方用燈罩蓋住。 香港家居一般樓底係2.4 - 2.8米之間，吸頂燈嘅扁平形狀非常慳位，唔會為樓頂增加壓迫感，非常適合香港家居。
第二款係壁燈，係裝喺牆壁上嘅燈，作為輔助照明。壁燈光線通常較為昏暗，係家居可以起點綴作用，好多人都會喺陽台、走廊或者睡床旁邊安裝壁燈。佢好處係營造氣氛，但要留意返壁燈需裝設電線出口，同時對安裝嘅高度有要求，裝太高唔易聚光，裝太低光線又會影響視線。
第三款係射燈，可嵌入天花板燈槽入面作為嵌燈，或者直接裝設喺外露燈軌或天花板上面。通常用嚟局部加強照明，強調被照射嘅物體，烘托氣氛。射燈體積小，省電，安裝燈軌上仲可自由變換角度。但照射範圍小、唔能夠近距離照射，因為會積聚好大熱量，有危險性。
記得室內燈光配置最好要做到，室內每個點盡可能同一光度，仲有「見光不見燈」係最好嘅燈光效果，避免燈光直射雙眼而產生眩光。如有任何問題請向「裝修佬」查詢。
