【裝修佬】洗衣機係每個家庭主婦嘅恩物，但有冇發現啲衫洗得唔乾淨？咁係因為你冇洗過洗衣機，引致大量細菌雜質堆積喺入面。因此為咗殺滅隱藏喺洗衣機夾層內嘅細菌，就必須清潔洗衣機，但究竟要點樣幫洗衣機洗白白呢？
其實洗衣機污垢主要係由五類垃圾組成，自來水嘅鈣離子同碳酸鈣組成嘅水跡、洗衣粉、洗衣液嘅游離物、衣物纖維、人體有機物質同埋衣物嘅灰塵、細菌。呢啲雜物會痴喺洗衣機夾層入面，係常溫下繁殖、發酵。跟住洗衫嗰時就會落返衣物度，著咗呢啲污染衣物，人就有機會皮膚痕癢同過敏。
一般嚟講，家用洗衣機每2至3個月就要清潔消毒一次，可以用洗衣機專用清洗劑、消毒清潔劑、漂白水或者除垢液，例如滴露、威露士果啲。市面上其實好容易買到洗衣機專用清洗劑，價錢唔貴但清潔效果唔錯。專門嘅清洗劑對洗衣機嘅傷害亦比較細。但佢嘅缺點係，呢種清洗方法要兩個月就洗一次，喺清洗過程中，洗衣機需要浸一段時間，然後要用滿水位清潔幾次，有啲浪費水同比較麻煩嘅。
另一種做法係消毒水清潔，消毒水也有較好嘅去污能力同殺菌效果。清潔方法同樣係浸泡清洗，但如果係大型嘅滾筒式洗衣機，就要將入面嘅內筒同外面嘅零件都拆開嚟洗，會非常之麻煩。而消毒水清潔嘅缺點係消毒液腐蝕性強，一定要注意開水比例，而且浸泡時間唔可以太長，大概半個鐘就得啦。
雖然清潔洗衣機辦法有很多，但總體都係浪費時間同水電，而且清洗同殺菌效果未必太理想。其實最簡單嘅方法就係買自帶清潔功能嘅洗衣機。現時市面上有唔少呢個功能嘅洗衣機，如果要換洗衣機嘅朋友不妨考慮下。
最後，洗完衫記得將洗衣機蓋打開至少2個鐘，令內部通風，乾透先好閂蓋，可以防止洗衣機老化，又可以防止滋生霉菌。如有任何問題都可以與「裝修佬」聯絡。
