【裝修佬】1) 落單不如落單位
裝修公司梗係想你早早落訂。話咩就算最後唔搵佢裝修，用訂去淨造櫃淨畫圖都得。事實係，你落左訂之後，如果睇啱另一公司，就會明白搵唔同公司一齊夾野係好麻煩，同埋會有額外成本！記得，睇左完工單位先落訂！在SHOP齋傾、睇相不足以認識公司手工！
2) 收報價不如收情報
好多公司都提供免費報價，於是好多人就密密報，日日比較一大疊報價單，疲於奔命。其實，與其收集報價單，不如收風仲好啦。如果有朋友介紹，首先一定要確保真係用過間公司做相類似既工程，然後你去佢屋企參觀下，親身了解下1)收貨標準、2)公司俾左咩工程意見、3)後報項目的收費等等；如果經平台介紹既，可向平台查詢之前收集左眾多用家既實質意見，一樣問番呢三樣野，同埋幾時再有單位睇。
3) 上網不如上堂
網上好多裝修知識都係講啲唔講啲，好易漏左啲關鍵細節！上堂就唔同啦，幾百蚊，可以起最短時間內學哂裝修必須知道的東西。裝修駛費大，有用既資訊好容易就賺番幾倍學費。
4) 求人不如求己
你身邊實有好多人湧過來介紹公司俾你！但選擇公司千萬不要假手於人。適合別人並不代表適合你；別人又比較過幾多公司呢？求人就不如求己，無論朋友定裝修平台介紹公司俾你，你自己都需要親身接觸觀察，了解佢係咪真係符合你要求。
如有其他疑問，歡迎聯絡裝修學院。
