【裝修佬】有無試過夜晚瞓唔著搞到第二朝無曬精神？瞓覺嘅重要性相信大家都好清楚，睡眠除咗影響身體健康以外，更影響一整日嘅心情。而要瞓到一個好覺，最重要係你瞓喺上面嗰張床褥。因此，揀啱一張好嘅床褥不能夠馬虎。但每個人有不同喜好，究竟點樣先為之一張好嘅床褥？呢個問題其實可以從幾點去考究。
床褥內嘅彈簧可以為床褥提供承托力，而市面上床褥彈簧主要分為內彈簧、開口彈簧、連鎖彈簧及獨立袋裝彈簧等。大多數比較出色嘅床褥都會使用獨立袋裝彈簧。因為裏面嘅每一個彈簧都各自套喺獨立嘅布袋入面，單個彈簧受壓並唔會牽連到其他彈簧，呢種設計令床褥喺承托嘅時候更符合人體工學，瞓覺嘅時候就可以更舒適。而且獨立袋裝彈簧由於杜絕彈簧之間嘅金屬摩擦聲，靜音效果亦會做得比較好。
有人話床褥硬腰骨先會好，亦有人追求酒店床褥嗰種極軟嘅感覺。其實研究建議床褥最理想嘅軟硬度係「中等」級別，除咗要有堅固承托力支撐腰部及腿部以外，亦需要柔軟質感包住肩膊以及臀部。若軟硬度無法達到適中，脊骨以及肌肉就做唔到被承托以及保護嘅效果。
床褥裏面嘅海綿多數有唔同類型以及密度可以選擇，高品質床褥可以增加舒適度、承托力、透氣度以及回彈力。相信大部分人都聽過記憶海綿，呢種海綿有緩慢回彈嘅特質，可以更貼合人體曲線，有效舒緩對身體某啲部位所構成嘅壓力。但亦有人唔鍾意佢呢種下沉感覺，而且彈力亦比較低。
如大家有任何問題都可以與「裝修佬」聯絡。
