【裝修佬】樓下天花剝落，趁裝修賴我，點算好？
裝修時，樓下投訴天花剝落，戶主會話：裝修時先有事，梗係關裝修公司施工事啦！裝修公司會話：我地平時做都冇問題，你個單位有問題，梗係本身有問題，唔關我事啦！
對於呢個問題，雙方都傾向堅持自己的看法，但事後再問「樓下天花在裝修前是否已經剝落」無疑太遲。
那麼，樓上或裝修公司是否可以事先檢查樓下天花狀況，才開始裝修呢？答案是：不可以。因為業主並無義務讓樓上或裝修公司進入私人地方檢查。如果樓上或裝修公司說「你唔俾我檢查咁有問題我唔負責架」亦無法律基礎。
那怎樣好呢？裝修學院建議大家：法律上無權咁做，就要動用人情和道理，動動腦筋處理了。
裝修公司想樓下話你知天花狀況，可以同樓下禮貌地打聲招呼：「喂我地起樓上就快裝修呀，你地天花有冇咩漏水問題，我地提醒樓上要做番好防水。」；戶主亦可以同樓下打招呼：「喂你地天花有冇咩漏水問題，我叫師傅幫手睇睇，如有滲水我地趁裝修整番好佢丫嘛。」
其實樓下戶主理應十分歡迎的。
但如果樓下戶主真的不回應，到時又真係投訴，咁，要分清責任，就要睇大家既理據支持了。技術上，當然可以睇下具體鋼筋生鏽情況，從而判斷問題是否早已存在。但這花費不菲。簡單些，亦可以睇之前樓下單位是否已有投訴樓上漏水或天花剝落的紀錄等等。
然而，去到這些情況，通常都會好麻煩。一被對方追究，即使自己正確，也要花5、6日甚至更多個工作天時間，去小額跟對方消磨，還未計公證行費用的花費。
要避免這問題，就要懂得簽訂「高效仲裁條款」──不用聆訴、不用找公證行、勝方零仲裁費、負方有限仲裁費、三個月獲得法律有效之判決，這就可以做到省時省錢、高效解決紛爭了。
如有任何查詢，歡迎聯絡Facebook「裝修中伏大全」。
（鳴謝香港仲裁公會提供法律觀點意見參考）
