0
0
〈豬事八卦〉報應-寶豬姑娘

〈豬事八卦〉報應-寶豬姑娘

〈豬事八卦〉報應-寶豬姑娘

【Now.com生活】有日診所未開門已經有條人龍出現…

正當我開門時,坐住輪椅嘅阿姨問我:「可唔可以畀我入去先呀?」
我望望佢嘅位置,應該唔係排緊隊:「你排第幾㗎?」
佢都好坦白:「我無排㗎」
我:「你可以入咗嚟先呀,但係你都會係排最後嗰個啊,我可以同你登記咗先嘅,登記完之後就照排~」
佢:「我唔係第一個咩?」
我:「你無排隊㗎嘛,排第一嘅應該係呢位小姐啊」
佢向小姐埋手:「小姐呀,你可唔可以畀個第一我呀?我坐喺度好慘㗎」
小姐:「唔得呀,我都趕時間」
佢再哀求:「都係睇遲一個啫,唔爭得幾多呀」
小姐好清醒:「咁樣唔係睇遲一個呀,我畀咗個位你,我就要去返你嗰個位㗎啦,我要排最後㗎啦!」
小姐望住我問:「係咪會咁排呀姑娘?如果係我唔得呀!」
我:「係呀」
佢:「我人都坐咗喺度,都咁樣啦,已經好慘㗎啦,你畀個第一我啦」
小姐:「我真係唔得呀,我都喺度排咗好耐」
我:「阿姨呀,我同你登記先啦,你可以坐喺診所入面等又得,差唔多時間再返嚟都得㗎」
佢:「我都咁嘅樣,你仲要我坐喺度等咁耐?」
…我唔想折福呀!我唔可以講衰嘢呀!我要忍口呀!

我:「因為個個都一早嚟排隊,我無可能就咁樣畀你打佢哋尖㗎~」
後面嘅人表示認同,齊齊『係啦』,『我夠等咗好耐啦』,『排隊啦!』。

佢:「你哋呀,唔尊重我咁樣呀!第日你哋都一樣坐喺度,有報應㗎!我唔會睇你呢啲一啲良心都無嘅診所㗎!」
佢轉轉輪椅離開了。

今年我犯太歲,我要忍口呀!

 

文:寶豬姑娘
(中女珍寶豬,任職診所助護超過十年,經常使用逆向思維參透世事,包括⋯⋯細閱大家姐。)

〈豬事八卦〉逢周三刊登
專欄屬作者個人意見,不代表本網立場

寶豬姑娘FB專頁::“https:/www.facebook.com/jumbopig14/"
  1. 更多
  1. 政府放寬申領綜援資產上限約一倍 幫助失業人士
    政府放寬申領綜援資產上限約一倍 幫助失業人士
    9小時前
  2. 澳門第二輪疫情經濟援助措施 涉136億元
    澳門第二輪疫情經濟援助措施 涉136億元
    6小時前
  3. 桑德斯退出美國民主黨總統提名初選
    桑德斯退出美國民主黨總統提名初選
    6小時前
  4. 發言人稱約翰遜對治療有反應 能自主呼吸
    發言人稱約翰遜對治療有反應 能自主呼吸
    6小時前
  5. 【4月8日疫情速報】(23:30)
    【4月8日疫情速報】(23:30)
    7小時前
  6. 習近平指要準備較長時間應對外部變化
    習近平指要準備較長時間應對外部變化
    7小時前
  7. 石湖墟門診確診清潔女工的五名同事需隔離檢疫
    石湖墟門診確診清潔女工的五名同事需隔離檢疫
    7小時前
  8. 葵涌醫院女職業治療師對新型冠狀病毒呈弱陽性
    葵涌醫院女職業治療師對新型冠狀病毒呈弱陽性
    7小時前
  9. 銅鑼灣卡拉OK群組有出席者傳染父母及同事
    銅鑼灣卡拉OK群組有出席者傳染父母及同事
    7小時前
  10. 【防疫基金措施一文睇晒】資助僱主支薪、港鐵車費八折、延期三個月交稅
    【防疫基金措施一文睇晒】資助僱主支薪、港鐵車費八折、延期三個月交稅
    7小時前