【裝修佬】記得我地講過：
慳工慳兩樣野：(1)師傅施工，及(2)判頭服務
慳料慳兩樣野：(1)建材選擇，及(2)消耗量
今集就講下點樣節省建材消耗量。
裝修點樣用少啲料？
其實新樓裝修，廚櫃背有無磚；又或者假天花入面又有無批灰，大部分人都不知道也不關心。但裝修時，由於睇住個工程，又由於報價單上寫「全屋乜乜乜」，戶主總係覺得應該做埋。
事實上，好多非見光位，你唔做，其實完全唔會影響生活，最多只會影響下一手住客的翻新成本。
假天花入面唔批灰，會否有問題？不會，因為下面潮氣隔住假天花，根本上唔到去。而如果樓上潮氣滲落黎，咩都無用，做左防潮反而仲衰，啲水就會四圍走，比天花甩灰更大問題。
至於櫃後牆和傢俬底，戶主在慳料時，需要問以下問題：慳到幾多錢？會住幾耐？期間個櫃會否移動或搬走？如果會，新櫃又會唔會冚番住？記得不要小失大。
當然，慳左既錢，其實係「未來錢」。所以假如你要裝修，要移除一個入牆櫃，你也要留意下，上手業主有無為了慳料，沒做好牆身，到你移走個櫃才發覺牆身不平坦？那就可能要花多一筆裝修費處理啦。
客人慳錢自有其苦衷，並無對錯。但要增加性價比，最重要還是學會駛錢。
下集開始教大家點駛錢！對本文內容有任何查詢，可聯絡「裝修中伏大全」版主Simon。
