【裝修佬】洗衣粉同洗衣液係我地日常生活常用嘅兩款洗衣清潔劑，但好多朋友都唔知應該揀洗衣粉好定洗衣液好。衫我地日日都會著，但衫你又係咪識洗？以下裝修佬用洗衣粉同洗衣液作出比較，究竟結果係點？一齊去文啦！
洗衣粉VS洗衣液
洗衣粉中嘅助劑會殘留落嚟，導致衣物受損。當衣物洗得多之後會發硬，變得灰暗，從呢點相比較，洗衣液明顯優於洗衣粉，易溶解無殘留性質，令洗衣液易清洗，可以有效減少清洗次數。
洗衣粉同洗衣液嘅最大區別
洗衣粉固體結構中加入大量不溶於水嘅助劑，同時喺鹼性條件下配合表面活性劑發揮去油污作用，而洗衣液嘅液體結構則無法加入難溶助劑，去污靠嘅係表面活性劑，無其他助劑成分去污。
洗衣粉同洗衣液邊樣對人體傷害大？
從成分上來講，洗衣粉中加入咗更多不可溶解嘅助劑，無洗衣液咁柔和，對人體肌膚傷害會更大，更有損傷皮膚角質層，或令皮膚粗糙，甩皮，乾燥龜裂等。
洗衣液介乎洗衣粉同番梘之間，同洗衣粉一樣有效成分來自表面活性劑，同洗衣粉嘅區別係陰離子型表面活性劑，鹼性較強，使用時對皮膚嘅刺激同傷害較大，洗衣液則多採用非離子型表面活性劑，PH接近中性，對皮膚溫和無刺激，而且唔傷手。
洗衣粉同洗衣液適合洗咩類型衣物？
洗衣粉：適合洗沙發套，外套等厚重物，大多數洗衣粉偏強鹼性，為減少洗衣粉對皮膚嘅刺激，建議帶手套，避免洗衣粉殘留，亦盡量勿使用作清洗貼身衣物。
洗衣液：一般呈中性，配方溫和，適合洗領口，袖口等衣物死角，對於衣物清潔死角，洗衣液嘅滲透性強，洗得更乾淨。
裝修佬溫馨提示
洗衣粉雖然去污能力比洗衣液更強，但係衣物上殘留嘅化學物會刺激、傷害皮膚，會令皮膚粗糙、甩皮等。其實，現時市面上嘅洗衣液產品去污能力足以清洗衣物上嘅污漬，裝修佬建議大家選擇洗衣液來清潔衣物，洗衣液成分溫和，唔傷皮膚，最適合有皮膚方面問題嘅朋友，而且洗衣液嘅泡沫較少，容易清洗乾淨，係一定程度上更慳水慳電。最後係環保，洗衣粉中含有磷，磷元素會係廢水中排走，會對環境造成破壞。
大家有什麼問題，都可以聯絡「裝修佬」專頁。
