【裝修佬】今次我地講一個冷門既慳工題目。
記得我地講過：
慳工慳兩樣野：(1)師傅施工，及(2)判頭服務
慳料慳兩樣野：(1)建材選擇，及(2)消耗量
今次我地就係講判頭服務啦。
好多人覺得「點解要慳？請得人就用到盡啦」，並無諗過要慳判頭既時間工夫。
但其實判頭也只有一天24小時，要落場監工、改圖、跟工程等等。慳到判頭時間，佢先可以將精力充份放在工程上架，出錯都少D啦！
以下分享四點「不必要、可節省的服務」：
1.家庭會議
拉判頭入「家庭WhatsApp」群就不必啦。全家人在WhatsApp群不斷提出新想法，仲要有一半係錄音訊息，間中就「@」個判頭畀意見 – 嘩，呢一句意見要睇幾多野呢？其實好多溝通可以屋企人自己傾好先，再約實一個時間同判頭傾，令溝通更有效益。
2.尋寶遊戲
網上找圖片，然後叫判頭找邊度有得賣，同要求報番相關安裝價錢，其實未必咁簡單。如果是傢俬配件，其實每間廠既配件選擇有限，要特登搵一樣野、仲要不肯定是否啱裝，可以花很多時間，未必真係簡單一句。
3.假動作
施工前幾日改變主意 – 其實雙方都有損失。好既師傅係一早留定，亦唔係長期standby。佢塞滿左個schedule，你一改就真係唔知排到每年每月架啦，如調另一team人黎做，日後保養就會有好多問題同爭拗。
4.突擊檢查
做完防水突然提出要現場試水驗收，是否一個好主意？當然不是。首先，如果戶主要親身驗什麼、如何驗，應該一早協商好；其次，裝修公司要突然停工配合你的檢驗，可能產生很多不必要的成本；第三，保障其實係靠商譽同條款，不是突擊監工。建議大家不要這樣做。
當然，人人對服務的要求都不一樣。最緊要還是了解自己，然後揀一間合適自己需求既公司。如有查詢，可聯絡「裝修中伏大全」facebook專頁。
