【裝修佬】網上好多人都教人點殺滅曱甴，但殺極都係仲有曱甴，點解？
首先我地睇下坊間殺滅曱甴既方法點解唔work，點解有D反而有害。
第一：驅趕式曱甴磚
唔work程度：*****
驅趕曱甴，曱甴去左邊？就是在另一角縮埋。無藥力，曱甴根本唔會死，和同佢玩捉迷藏冇分別。
咁有咩害處？那些香精大多對人體有害。產品總說「天然無害」，但天然香薰用錯款式同劑量，對身體都是不好的。曱甴磚香精實在唔一定啱你聞。
所以，如你想驅趕曱甴，可放在門口位，否則就快D拎走哂佢啦。
第二：即滅式殺蟲水
唔work程度：***
殺蟲水對大曱甴有用，因為牠們不是一般家居曱甴，亦好少會在室內環境產卵，所以見一隻殺一隻是有效的；但它對小曱甴無用，因為牠們會在家居產卵，個竇一日起度，你只能持續不斷地忍受陣殺蟲水味，同埋面對殺極都有曱甴的輪迴。
咁有咩害處？洗潔晶成份無害，但要噴中先殺得死，咪即又係同曱甴捉殺藏，徒費氣力，浪費時間。至於部分市面上殺蟲水，因為要做到即殺，好多藥性都比較強，吸入得多，無論是否天然，一樣容易敏感有害。
第三：專業殺蟲藥
滅蟲公司會用一些坊間無得賣亦唔俾賣的殺蟲藥去殺滅小強。知不知道為什麼市面上冇得賣？不是因為它太勁、也不是因為有專利。情況就像為什麼抗生素要醫生開先食得，因為一般人唔識用，用錯反而會產生抗藥性，到時搵滅蟲公司黎執手尾都未必咁容易呀！
所以，有些人聰明地跟牌子在網上找一些不法來源買入藥劑，咁做可能害己害人，間接製造出「超級曱甴」架！
結論：香精用黎驅趕，可以放起門口，唔好用黎殺蟲；殺蟲水用黎殺一隻，殺飛入黎的大曱甴可以，處理家居曱甴就徒勞無功；至於專業滅蟲藥，要小心使用，唔識用反而可能會令曱甴的戰鬥力提升。
下集我再繼續講解下關於殺滅曱甴所需的具體知識。
如有問題，歡迎聯絡「裝修中伏大全」。
