0
0
【專業點評】理髮師點睇藝人鬍鬚造型?留鬚前要注意呢幾點!

【專業點評】理髮師點睇藝人鬍鬚造型?留鬚前要注意呢幾點!

【Now.com生活】留鬚係男士嘅專利,而留得靚就唔係靚仔嘅專利!一齊睇下理髮師Fernando Viseu 點樣品評藝員嘅鬍鬚造型,學習留鬚先要注意邊幾點!

1/臉型
鬍鬚就好似頭髮一樣,一個合適鬍鬚造型可以遮掩臉部缺點。而唔同臉型就有唔同留鬚準則,Fernando 簡單舉出兩個例子。

長臉型-下巴不宜留長鬚(如羊咩鬚),避免塊面睇落更長!反而可以轉移去兩邊面頰位置,視覺上拉闊塊面,睇落臉型唔會咁長。

圓臉型- 相反,肥仔臉可以留長鬚,使臉型加長。如果要留腮鬚,Fernando建議以剃出一條明顯斜線,顯得瘦削。Fernando稱讚Eason呢個鬍鬚造型就好睇啦,成功配合造型又可以遮蓋臉圓嘅缺點。

2/密度
鬍鬚同頭髮一樣,愈濃密愈好。Fernando就指克勤鬍鬚稀疏,鬍鬚底透肉唔好睇。所以佢都係建議克勤剃光鬍鬚,保持乾淨整潔一面就好啦!

3/質地
鬍鬚同髮絲一樣,有粗有幼。鬍鬚要粗而多先做到豐盈感,留鬚要咁先好睇! Fernando 以潮人Juno兩個留鬚造型舉例,佢指Juno同普遍亞洲人一樣,鬍鬚較幼,留短鬚比長鬚靚,顯得鬍鬚厚實。相反,幼絲鬍鬚留長就更顯幼及稀疏。

4/分布
臉上唔係每一個毛孔都可以生出鬍鬚,男士們留鬚時就要留意,避免令臉上出現「崩位」。就好似Chilam咁,臉上出現鬍鬚崩位令整個腮鬚唔完整。Fernando建議佢由剃走崩位以後嘅鬍鬚會更好睇!

5/年齡
留鬚容易畀人成熟、富男人味嘅感覺。如果太後生留就會好易畀人「老了十歲」嘅感覺,相反如果熟男但長著一副baby face就可以留鬚加強男人味! 

對於留唔留鬚都一樣咁靚仔嘅Kenny關智斌,Fernando覺得佢留鬚望落有啲老成,無咁好睇,保持青靚白淨就最理想!相反,佢話熟齡嘅男士,好似林雪咁肥肥白白,就最好留鬚,加強返男子氣慨嘅感覺。

6/整體衣著、形象
鬍鬚可謂男士嘅一種造型配飾,要配合衣著搭配,統一形象。鬍鬚本身已經畀人男子氣概同成熟嘅感覺,如果男士裝扮偏女性化或年輕,就會造成視覺衝突,變得異相。

對於吳亦凡早前令人嘩然嘅頹廢造型,Fernando指佢出事嘅位唔在於「程大嫂」嘅鬍鬚,而在於成個打扮。衣服顏色、質地、首飾都營造出女性化感覺,但粗獷嘅鬍渣就同本身打扮形成強烈對比,睇落好礙眼!

最後,鬍鬚係好個人化嘅造型。唔係跟藝人留同款嘅鬚,就會一樣好睇!始終要配合以上幾個原則,有需要更可以去理髮店徵詢Barber意見,由佢哋為你設計理想鬚型!

特別鳴謝:Fernando Viseu / selvedge barbers
文:陸永東

  1. 更多
  1. 鄺俊宇遇襲 民主黨質疑今次非單一事件
    4小時前
  2. 國慶七十周年閱兵規模歷來最大
    7分鐘前
  3. 港鐵報告中螺絲帽接駁測試樣本不包括A區
    1小時前
  4. 鄺俊宇指被三名男子圍毆 整個過程約一分鐘
    1小時前
  5. 一名男子被控周日沙田侮辱國旗提堂
    2小時前
  6. 【環球薈報】科學家發現南歐下有「失落的大陸」
    2小時前
  7. 大批Thomas Cook旅客滯留海外
    3小時前
  8. 林鄭:校內升旗不涉及考慮公眾秩序及安全
    3小時前
  9. 林鄭 : 支持警察不代表會縱容不當行為
    3小時前
  10. 特朗普呼籲各國領袖團結一致對抗宗教迫害
    4小時前