0
0
〈好Life〉【行山禮儀請廣傳】行山聽歌、唱歌分分鐘犯法!

〈好Life〉【行山禮儀請廣傳】行山聽歌、唱歌分分鐘犯法!

〈好Life〉【行山禮儀請廣傳】行山聽歌、唱歌分分鐘犯法!

1/ 切勿喧嘩 製造噪音
行得山都係想遠離塵囂、靜靜地欣賞大自然嘅聲音。如果覺得太靜,想有啲聲請盡量降低收音機或播放機音量,或使用耳筒,唔好騷擾其他行山人士。更加唔好一路播歌一路唱歌起舞!咁做除左影響他人,更觸犯《郊野公園及特別地區規例》。

根據第208A章《郊野公園及特別地區規例》第12條 妨擾行為的防止1(G)項「任何人不得在郊野公園或特別地區內操作或奏玩任何樂器或其他器具(包括任何留聲機或無線電器具),或以該等樂器或器具製造聲響,或唱歌或叫喊,致使任何其他人感到煩擾。」違者,即屬犯罪,可處第1級罰款及監禁3個月。

真心,無人想同你一齊聽歌、唱歌,如果你要咁做就揀返K房或者其他合適地方啦!

2/ 自己垃圾自己帶走
雖然行山徑多數有垃圾桶收集垃圾,但收集垃圾時間比市區相隔耐,而且山上野生動物可能會翻垃圾而令垃圾被吹走或跌落山。所以大家最好自備垃圾袋,將垃圾帶返市區垃圾桶棄置!

3/ 同其他行山友打招呼
行山迎面見到其他山友,不妨講聲「早晨」、「Hello」,或者點頭、微笑,做個禮貌山友!

4/ 爬頭前講聲「唔該」
每人行山節奏都唔同,有啲人節奏比較快,遇到前面行得比較慢嘅人,記得講聲「唔該」提示人地讓路。如果山路狹窄你又突然超前,前面嘅人可能反應唔切,釀成危險。

5/ 狹窄山路先上後落
當狹窄山路只可以單線行走,落山嘅朋友應該企埋一邊,讓上山人士行先。因為上山一般行得比較攰,要保找穩定步速和節奏,所以最理想就係讓佢哋先啦。

參考資料:綠洲 Oasis網頁 
文:陸永東

  1. 更多
  1. 張竹君:單靠個案追蹤不足夠 需要市民和政府合作
    張竹君:單靠個案追蹤不足夠 需要市民和政府合作
    3小時前
  2. 【7月10日疫情速報】(23:05)
    【7月10日疫情速報】(23:05)
    6分鐘前
  3. 蓬佩奧:中國應允許世衛自由開展調查新冠病毒源頭工作
    蓬佩奧:中國應允許世衛自由開展調查新冠病毒源頭工作
    44分鐘前
  4. 房屋署初選前去信議辦 指違租務條例會跟進
    房屋署初選前去信議辦 指違租務條例會跟進
    47分鐘前
  5. 區議員助理涉七一刑毀珠寶店被捕
    區議員助理涉七一刑毀珠寶店被捕
    1小時前
  6. 【政情】國安法提公職人員宣誓 左派分析北京「加把力」
    【政情】國安法提公職人員宣誓 左派分析北京「加把力」
    1小時前
  7. 順豐速遞一名司機初步確診新型冠狀病毒
    順豐速遞一名司機初步確診新型冠狀病毒
    2小時前
  8. 莎莎再有一名員工確診新冠病毒
    莎莎再有一名員工確診新冠病毒
    2小時前
  9.  哈薩克現不明肺炎 中方冀了解更多訊息兩國攜手抗疫
    哈薩克現不明肺炎 中方冀了解更多訊息兩國攜手抗疫
    2小時前
  10. 澳門指香港疫情嚴重 檢視兩地推行健康碼互認時間
    澳門指香港疫情嚴重 檢視兩地推行健康碼互認時間
    3小時前