〈好遊〉3個「出名污糟」嘅旅遊景點

【now.com生活】去得旅行，當然係想睇風光明媚嘅景色、有濃厚歷史氣息嘅名勝古跡啦！但如果有啲旅遊景點出名污糟，你仲會唔會去？睇吓你夠唔夠膽挑戰以下景點啦！

1. 印度老鼠廟
係唔少地方，老鼠都係人見人憎！但喺印度就有一間專供奉老鼠嘅寺廟（Karni Mata Temple），寺廟居住超過兩萬隻真老鼠。老鼠廟香火極盛，亦係印度着名文化遺產，已經有六百多年的歷史。每日都有來自世界各地嘅信徒到訪參拜。訪客相信如果隻腳被老鼠爬過，就會帶來好運。

二萬幾隻老鼠入面，有幾隻特別嘅白老鼠，而白老鼠係被相信為更神聖，被視為Karni Mata 化身。如果在廟裏唔小心傷害老鼠，仲要用一隻純銀或者黃金老鼠作賠償。

2. 美國香口膠牆
美國西雅圖劇院外有一幅黐滿香口膠渣嘅牆（Seattle Gum Wall），被旅遊網站評為世界第二「最不衛生」景點。原來自1993年起，就被劇院外排隊排到悶嘅人將嚼過嘅香口膠黐上去，慢慢呢幅全長約16.5米嘅牆被佈滿大約100萬嚿唔同顏色嘅香口膠渣，更有遊客會稱佢為「隨時間變化的藝術」。雖然呢幅牆喺2015年被管理單位用蒸氣清除膠渣，但之後亦開放返畀遊客黐上去。