【now.com】皮褸在秋冬季節絕對是不能缺少的一件百搭外套，無論甚麼風格都能配上皮褸，增添一點點型味。不過香港天氣潮濕，皮褸容易發霉，幾位愛「皮」如命的model各自有一套保養秘訣讓大家參考。
1. 捲好皮褸才放入櫃
麥少瑜（Fiona）介紹她的獨門方法：「我每次著完皮褸都會捲好佢，再放入衣櫃，咁樣先保持到皮褸嘅紋理，感覺較vintage。如果發現皮褸發霉，就用濕布抹乾淨，肯定佢乾晒後先放入衣櫃。」
2. 利用防潮珠
原來Fiona還有第二招，她說：「無論麂皮、牛皮定羊皮皮褸，都要細心打理，香港天氣潮濕，所以記得要將防潮珠放入衣袋後，先放皮褸入衣櫃。」
3. 用濕毛巾抹乾淨
自稱「皮褸專家」的潘思朗（Szelong）就愛治標不治本的方法，她說：「如果拎皮褸出嚟時已經發霉，唯有用濕毛巾抹乾淨，掛出露台一陣吹乾就繼續著啦！」
另外，劉沛蘅（Hillary）和衛子婷（Anne）就分享了皮褸配搭心得，Hillary說：「入面可以著得較窄身，例如skinny jeans、crop tee等，都係今年大熱。」Anne則說：「偏瘦嘅女仔一係揀貼身啲嘅，一係就鬆身啲嘅皮褸，如果著regular款式就會好似衣不稱身咁。」
