【now.com】令一眾薯片Fans引頸以待的Calbee Plus概念零食店香港店今日正式開幕，呢間「零食Concept Store」係卡樂B於日本海外第一間Calbee Plus分店，上午先招待一眾傳媒朋友參觀，now.com記者更親身同大家一試多款香港限定的即炸薯片和限量版零食。
早前我哋報道過概念店會分上下兩層，上層做零食體驗工作坊，下層做零食大賣的店面，更設有透明玻璃開放式廚房，Fans可以睇住即炸薯片「朝聖」。now.com記者搶先一試香港限定的避風塘香辣味薯片，即叫即炸拎上手仍然係熱辣辣，不論平切還是波浪型的薯片都非常脆口，味道惹味之餘，配上軟雪糕一齊食，效果更一流！新店更大賣日本3.5生乳軟雪糕，配上富果樂的水果谷麥片，感覺猶如食Yogart般的輕盈，食完薯片之後再加軟雪糕，可以去掉油膩感覺。
場內又大賣多款日本直送的零食，當中更有獨家香港發售的櫻花蝦鹽味蝦片，每片都用上櫻花花瓣形狀，加埋淡淡粉紅色，與日本正值櫻花盛開時期互相呼應。除了香港獨家的零食之外，鍾意買精品的朋友都唔會失望，因為店內有多款限量版官方主題精品，更推出香港獨有500架宅卡B珍藏版迷你巴士模型予Fans搶購。
Calbee Plus日本以外的首間分店今日於香港開幕，率先俾傳媒入內採訪。
店內特設開放式廚房，讓你親眼睇住炸薯片過程。
薯片有平切同波浪型兩種口感選擇，圖為燒烤味平切薯片。
香港獨家的避風塘香辣味薯片（波浪型），薯片表面有點點香辣粉，加上新鮮即炸，相當惹味。
今次更試到Poterico芝士味薯條，芝士味勁濃，小編推介！
除了大賣多款即炸薯片薯條之外，餐牌又見到大賣多款飲品。
香港獨家發售的櫻花蝦鹽味蝦片，片片櫻花形狀，加埋淡淡粉紅色，同正值櫻花期的日本互相呼應。
店內另開一角售賣精品及公仔。
宅卡B珍藏版迷你巴士模型都係香港分店獨有，限量500架。
now.com記者落order叫齊多款特別小食，包括加了朱古力醬的原味薯片、避風塘香辣味薯片及軟雪糕、富果樂及日本3.5生乳軟雪糕、Poterico芝士味薯條。
位處灣仔利東街的Okashi Galleria x Calbee Plus，開幕周由22日（明日）至28日更會有即炸薯片送出，數量有限。
採訪：譚傑文
攝影：馮翠怡
相關新聞：
