【now.com】要數復活節活動，搵復活蛋一定唔少得，不過香港地少人多，實在好難有空間大玩尋復活蛋遊戲。香港迪士尼樂園就由即日起至5月29日，將過百隻迪士尼「花蛋」藏於整個樂園內各個園區，當中超過70隻是由迪士尼朋友化身而成的趣緻「花蛋」，大家可根據樂園指南參與「猜猜誰‧尋尋蛋」遊戲，重拾童真，享受尋蛋樂！而為慶祝首個「迪士尼花蛋節」，「奇妙處處通」會員更可於活動期間換取珍藏版迪士尼「花蛋」小禮物。
「星級體驗」於初春亦加入全新項目， 小朋友可以參與「《小公主蘇菲亞》之旅」，與蘇菲亞公主共度故事時刻、學習公主禮儀及品嚐公主主題美食；參與「《星球大戰》預備班」，利用BB-8機械人投入各項星際挑戰。大朋友就可以大展廚藝，參加迪士尼好萊塢酒店推出的「BB-8蛋糕製作班」或參與親子的 「Tsum Tsum蛋糕教室」，製作迪士尼朋友蛋糕。
迪士尼朋友變Tsum Tsum咁受歡迎，唔知「蛋」look大家又鍾唔鍾意呢？
七個小矮人花蛋排排企，好可愛呀！
要記得望天！
仲有望河流～
跟著指南，搵番迪士尼朋友花蛋出嚟！
跟蘇菲亞公主學習公主禮儀及品嚐公主主題美食。
同BB-8機械人近距離接觸。
BB-8蛋糕製作班。
Tsum Tsum蛋糕教室。
