【now.com】雖然唔少人已經追求快捷方便用手機或者數碼相機影相，不過依然有人繼續追隨菲林相機，只係為咗難以取代的質感。最近日本富士Fujifilm適逢自家的QuickSnap系列用完即棄相機誕生30周年，將會在下月推出5萬部QuickSnap三十周年限定版！呢個特別版仲有個懷舊紙殻包住相機，感覺就好似回到過去用「傻瓜機」咁！
據日本富士Fujifilm網站指，呢個限定版套裝內，有一部內置27格菲林及感光度ISO 400的QuickSnap用完即棄相機，而且更附有專用吊飾及一本介紹QuickSnap相機發展史的小冊子，等你了解用完即棄相機的歷史。唔識點用個懷舊紙套？官方YouTube仲擺咗摺紙殻教學影片，等你買到機之後就睇住摺。QuickSnap三十周年限定版預定4月8日發售，限量5萬部，售價1058日元（約72港元）。
日本富士Fujiflim下月會發售復刻版的Quicksnap用完即棄相機，有27格菲林，感光度有ISO 400。（網上圖片）
呢款復刻套裝，仲有唔少紀念飾品配置，包括手機吊飾同發展史小冊子。（網上圖片）
大家又仲記唔記得拎住果種「傻瓜機」影相嘅感覺呢？（網上圖片）
官方網站又擺咗好多勁有懷舊Feel嘅相片，一定勾起你唔少回憶！（網上圖片）
官方預定會4月8日發售，數量限定5萬部。（網上圖片）
到時影完仲可以拎住部機去沖晒菲林！（網上圖片）
懷舊紙套組裝教學影片
資料來源：fujiflim.jp
