【now.com】今日初十五，農曆新年正式過完，積落嘅年糕脂肪債都係時候要還。落街跑步、跟影片跳健身操、做gym，相信都係唔少人嘅keep fit嘅方法。日本Takara Tomy最近推出了新健身器材套裝，唔知又啱唔啱大家用呢？
全新健身器材套裝叫「ユビ・アップ」（YUBI UP），有啞鈴、拉筋器及握力器等，不過通通都係迷你版，只為手指而設。點解手指都要健身？廠商表示不同款式有不同訓練作用，透過強化屈曲力、拉力、舉力等可有效幫手指變得更瘦更靚，不過強調效果因人而異。YUBI UP一套有五個，有紅、黑兩色可供選擇，每個定價200日元（約港幣13.8元），要擁有整個「手指健身房」都唔使70蚊。
其實上網搜尋一下都不難發現一些健手指操，有些更教大家利用隨手都有嘅文具！所以要鍊成大隻手指，都未必一家要買特別嘅健身器材。
資料來源：Takara Tomy
不得不讚其細緻度，啞鈴可配上不同重量。（網上圖片）
一共有五款，達至不同功效。（網上圖片）
