〈好玩〉延續浪漫四種方法令鮮花變乾花

建議再細束少少，隨意紮起便可。（網上圖片）

【now.com】數數手指，情人節已過幾日，大家是否還沉醉於浪漫當中？唔少女士都收到一大束的鮮花，非常幸福。但眼見鮮花慢慢凋謝，掉又唔係、唔掉又唔係，不如考慮自己動手做乾花，延續對方心意。就算情人節沒有收到花，運用年花都一樣可以製成靚靚乾花。

方法一：自然風乾法
建議度：✩✩
自然風乾法是比較傳統的製乾花方法。先把花分成數小束，用線或麻繩在莖部下端纏緊，再倒掛於家中。謹記花要同牆身保持一段距離，而且呈完全垂直狀態，如果唔係好易令花變型。風乾後，可以頭髮定型水為花定型。不過，香港天氣比較潮濕，等成個月花都未必能乾透。除非順手當裝飾屋企，否則不太建議用此方法。

建議再細束少少，隨意紮起便可。（網上圖片）

掛起非常繽紛，可當家中裝飾。（網上圖片）

方法二：書本壓乾法
建議度：✩✩✩
先找一本比較重的書，如字典、電話簿等。打開內頁，放入廚房紙／牛油紙，再放上剪下來的鮮花。最後放多一張廚房紙／牛油紙於花上，合上書本。把書本放到陰涼地方，上面再放多幾本書壓實。此方法比自然風乾法省位，但容易把鮮花壓到變型。

切記花與花之間要留空位。（YouTube截圖）

方法三：乾燥劑吸乾法
建議度：✩✩✩✩
先準備大量乾燥劑（零食、鞋盒內細細包那些），如不確定乾燥劑能否使用，可放入焗爐，以200度焗約一小時，讓它變回乾身。在有蓋密實盒內鋪滿一層乾燥劑，放入鮮花後再鋪上一層乾燥劑，完全遮蓋鮮花後即可閂蓋密封。見到乾燥劑變色就代表完成，花上有殘留的粉末可以以掃輕輕抹走。