【now.com】早前now.com就報道過一班年輕人在銅鑼灣集資新開號稱全港首個的「鐳射槍戰場」，以鐳射槍室內War Game做賣點，深受年輕人歡迎。最近這班年輕人又有新搞作，他們一行人近月趁外遊旺季，飛到日本走訪當地的遊戲中心，並將當地的遊戲中心的經營模式帶到香港，開設了一個集合10種娛樂活動的「多用途遊戲中心」。

這個佔地3000多呎的一站式多用途娛樂中心，每位入場朋友只需要憑一個入場收費價錢就可享受場內十多種娛樂設施，包括桌球、桌上足球、飛鏢、乒乓球、賽車遊戲等，更引入了近期大熱的VR虛擬現實遊戲，啱晒鍾意大玩刺激活動的朋友。好靜的亦都有不少選擇，場內有房間間隔，一打開門原來是一個私人電影院，入面更有電視遊戲、電動麻雀、各種牌類及版圖遊戲等，仲可以睇足球球賽直播，啱晒Party或者休閒玩樂。負責人接受訪問時更表示，他們理解到香港人要外出消遣，離不開食飯行街睇戲，但一般都花費不少，所以就希望打造出一個玩樂消閒天地，讓消費者以最少金錢及時間，享受到不同玩樂，換取最大的滿足感。