【now.com】AMC又一城昨晚在facebook公告，將於下年1月3日結束營業，相信對唔少香港人來說是一大噩耗！
AMC又一城公告如下：
「感謝大家多年對AMC又一城的支持！由於租約期滿，AMC又一城將營業至2016年1月3日。
為答謝觀眾支持，由即日起凡經AMC又一城戲院售票處購買戲票兩張，將獲贈百老匯/ PALACE/ AMC戲票及小賣部優惠券一套 (價值: ~ $900)。」
又一城其實好好行，位置方便，又有溜冰場，更有多間食肆，平有平食，貴有貴食，食完睇埋戲就啱晒。所以有網民就話收到風，MCL將於3月接手繼續畀大家有戲睇，但亦有消息指該地將變其他名店。
其實又一城已經有好多好多商店喇，就當造福吓港人，畀番間戲院大家好嗎？
