【now.com】冇錯！又係韓劇，不過今次的熱潮冇《來自星星的你》的炸雞配啤酒咁唔健康，今次係跟熱播中的《她看漂亮》種洋蔥。話說第六集的時候，男主角成俊（朴敘俊飾）見女主角惠珍（黃靜茵飾）感冒送上洋蔥，而惠珍並沒有食用，反而用水杯養著，二人的感情就好似棵洋蔥一樣，慢慢萌芽並修成正果（未播完，但估計係）。
惠珍因病個個同事都避之則吉。（截圖自viu）
成俊送的洋蔥惠珍一直放在枱面 。（截圖自viu）
套劇相當收得，一眾觀眾當然好鍾意呢對「洋蔥夫婦」，紛紛種起洋蔥來。喺instagram搵hastag 니언이、양파키우기的相片就會見到好多網民的精心傑作。洋蔥除了係一種健康食材外，亦係一樣好好的擺設，因為放係度一樣有功效。擺放的洋蔥仍具殺菌能力，可以抵抗流感及病毒。另外，水種的洋蔥可以增加空氣濕度，比可能滋生細菌的加濕器來得天然及安全。 而洋蔥齋放係度係唔會散發大量刺激的氣味，所以放辦公室都沒有問題。
官方facebook亦教人點種洋蔥 。（Facebook圖片）
種法亦非常簡單，先準備一個不太大的器皿，加入少量清水，洋蔥放入後底部輕輕碰到水面就可以了。如果選擇的器皿是透明，你就可以睇到根部慢慢生長。當然作為劇迷就要學埋喺洋蔥面畫上表情，令「盆栽」變得更可愛。
成個青色係幾清新 。（Instagram圖片）
都可以好萌 。（Instagram圖片）
有人話呢個係路飛 。（Instagram圖片）
養兩隻夠晒熱鬧。（Instagram圖片）
講起洋蔥點可以冇永澤同學呢？（網上圖片）
