【now.com】點點繁星照亮夜空，到底失明人士要怎樣做才可以觀星呢？有份創辦盲人觀星傷健營的莫儉榮（Kim）向now.com記者示範如何利用雙手觸摸的感覺來觀賞星像，靠腦海聯想建構出來的星圖可以比肉眼觀看來得更要耀眼。
抽象中見具體
現職註冊社工的Kim，自13歲起失明，問到為什麼舉辦盲人觀星，他表示是因為中學時曾經參加天文學會，欣賞過燦爛星空，他希望能與沒有看過星空的失明朋友一齊分享星空美麗。Kim更分享了一次中學同學帶他看默劇的感官體驗，令他明白到失明人士不應該因此而自卑：「有個中學同學帶我去睇默劇，當時因為我唔太理解而好唔開心，佢就講咗一句說話『You have to sense it』，即是話我哋唔好因為自己嘅局限，又或者身體殘疾而局限自己喺一個小世界入面。」Kim又認為「宇宙係無限」，用肉眼去觀看就會變得有限：「我哋失明人士用心眼去睇宇宙星空，其實係好平等嘅，個星空並冇因為我失明而遠我而去。」
想像星光閃爍
盲人要靠觸摸凹凸星圖、立體模型才能夠感受星空之美，Kim認為當中最難克服的是心理障礙，六年前他們一行人更要不斷開會，鑽研出不同方法令失明人士理解星空：「因為睇唔到星空就好似變得好抽象，但其實抽象中又見到具體嘅，例如摸吓星圖入面啲線條係點樣似飛馬座，你可以靠聯想一吓，係又幾似嘅！透過摸到唔同大細，我又會知道邊啲星係光啲，邊啲係暗啲。其實我哋心入面太缺乏聯想力，透過想像就可以將我哋嘅心境扭轉過嚟。」Kim更指觸覺以外，再加上周圍環境的歡笑聲音，令他心中的星圖變得更完美。
訪問當日，有份協辦盲人觀星傷健營的太空館助理館長陳俊霖更預備了不同的凹凸工具，與Kim一齊展示盲人觀星的過程，陳俊霖說：「其實最重要都係想像力，當你摸到一個星座時候，透過凹凸嘅線條，將佢想像成一個人物就可以想像到星座嘅模樣。」陳俊霖又表示，要學習天文知識，不一定只靠肉眼觀看，透過觸摸感覺都能夠學到：「當盲人透過觸摸感覺星圖嘅時候，佢哋嘅感覺會比普通用肉眼睇嚟得更加強烈。」他補充觀星活動中參加者又會互相分享星座神話故事等知識，令活動變得更有趣。
記者：譚傑文、馮翠怡
