【now.com】依家嘅手機app花多眼亂，但呢3款真係唔裝唔得，有咗佢哋，唔使煩食乜嘢，出親街又有優惠，連送禮物都慳水慳力！
1.《Clipper》手機優惠券App
用家可以利用《Clipper》，尋找飲食、美容保健、時尚、家居、玩樂和生活品味6大範疇的優惠，例如飲食類就有好多買一送一、現金卷或免費試食的coupon，慳埋慳埋都幾著數！而且採用二維碼掃瞄功能（QR code），無需列印Coupon，只要到店舖用App一掃就可以享有優惠內容，一部手機遊天下！
《Clipper》有類似Openrice的評分機制，每個會員都可以留下用後感，而提供優惠的公司也有詳盡資料，冇咁易中伏！餐廳之類更有小型地圖，適合各位路痴們。
《Clipper》
2. 《foodpanda》最強外賣App
夏日熱辣辣，放假如果可以留喺屋企嘆外賣就梗係爽，不過平時冇儲開外賣紙，唔想食麥記、Pizza Hut，又唔想Call鄭嘉穎嗌KFC，咁點算好？《foodpanda》會幫你發掘你附近有咩餐廳，有晒菜單同價錢，4個step就可以即時落order兼送到你府上，超級好使好用！最貼心一點係，如果餐廳已經過了營業時間，《foodpanda》會在你按入頁面後立即提示，免得你空觀喜一場！
《foodpanda》
3.《GAYA Flores》代送花送禮App
喺香港，生日、拍拖一周年、母親節父親節、聖誕、新年等等等等，有咩共通點？就係乜嘢節日都要送禮物！係咪好煩惱呢？有《GAYA Flores》就唔使煩喇，因為佢提供多種鮮花和禮物選擇，有平有貴，揀好之後可以隨時隨地落訂單，12小時內會幫你將禮品送到對方手上，唔止方便，仲幫你製造驚喜添！
最重要一點，它設有綁定通訊錄功能，咁就唔會錯過朋友（最重要當然係男/女朋友）的生日！禮品可附有賀卡，可在App輸入訊息，雖然不是親手寫，但對香港人來說很方便！
《GAYA Flores》
