【now.com】蘭桂坊除了去特色餐廳、酒吧外，仲有啲咩新奇、有趣嘢玩？蘭桂坊一棟唐樓上就有一個非常別緻、特別嘅party place，入到去就好似進入了另一個世界，潮人、藝術人都一定鍾意！
「Black Light Party」－UV燈下開Party
要上Chalk Studio先要爬五層樓梯，老實講，都幾辛苦……但上到去真係值回票價。Chalk Studio佔地兩層，一層室內、一層天台。甫進室內，黑漆漆一片，不過UV燈下，場內的物件都會發光，唔驚之餘仲好新奇。外國人老闆Marco覺得香港的飲酒文化剩係齋飲有點悶，希望客人飲酒放鬆之餘可以加上創作，好好咁抒發自己。所以三年前就開辦了Chalk Studio，提供場地俾客人開私人「Black Light Party」。在漆黑的環境內，盡情放鬆自己，夜光的環境帶客人進入另一個世界。客人又可以在畫板、黑板上盡情地繪畫所思所想，盡情表達自己。場內導師更會用夜光顏料幫客人畫面、畫手同腳，加上場內各式各樣的夜光配飾，立即變身「螢」人 。Chalk Studio鼓勵客人自携酒精，無論數量多少，都唔會收取任何開瓶費，志在客人玩得無壓力。想呼吸新鮮空氣的可以上到天台，雖然不太大，但裝飾得很別緻，微弱的燈光下帶點浪漫，場地亦提供各式的小遊戲，可供客人任玩。Chalk Studio的party place最多可容納五十人，約多啲朋友都唔怕。
「Black Light Art Jam Party」－UV燈下Art Jam
如果唔係開私人派對亦得，近期Chalk就在同一地點開辦Sketch Studios搞「Black Light Art Jam Party」，搵齊六個志同道合的朋友就可以參加一個時段，一齊分享螢光繪畫的樂趣。如果真係諗唔到畫咩，Sketch Studios有一本相簿，客人可從中偷師、攞靈感。場內導師仲好吹得同親切，有想法又唔知點識點畫出來不妨請教下佢地。「Black Light Art Jam Party」有分大人同小朋友班，湊夠數可以預約星期二至四，下午5時至11時的各個時段。五人以下每個Booking為兩小時，五人至二十人可玩三小 時。每人包一件白T-shirt，40x30油畫板等等，詳情可到Sketch Studios網頁。
可能大家都會擔心Body paint會唔會好難洗得走？其實畫上身的顏料係比畫上油畫板的稀，洗兩洗就甩得。唔想「螢」著走可以先去洗手間輕輕沖洗，出街都唔會太異相。
Chalk Studio收費詳情：
星期日至四（三小時）
20人以上每人＄250
20人以下費用為＄5,000
星期五、六及公眾假期（四小時）
30人以上每人＄300
30人以下費用為＄9,000
價錢包括所有食具、UV配飾、基本畫具、Shisha等。而Party搞手是免費的，因為Chalk party話知道搞手要開一個派對已經可能有啲辛苦。
Chalk Party Facebook
Sketch Studio網頁
採訪、攝影：馮翠怡
