【now.com】大家日頭返工忙，就算連離開office之後都可能返到屋企仲要繼續做，想同寵物玩一下都似乎有點困難。日本寵物用品生產商Unihabitat最近就推出了一款Cute爆衛衣，叫做Mewgaroo hoodie，衛衣有個大大的口袋，可以俾你的貓貓狗狗「袋住先」，又或者一齊睇電視、玩電腦都冇問題！
Mewgaroo hoodie的設計最矚目賣點就當然是腹部好似個袋鼠袋的口袋，可以容納貓仔或者狗仔，主人可以來個親密接觸之外，又可以騰出雙手來做其他工作，好似玩電腦、甚至工作等等，去到邊就帶到邊，時刻都同寵物一齊。而且又可以拆除內層清洗。不過據官方網站指，現時只接受預訂，26日才會公開發售啦，每件要7000日元（約港幣466元）。
貓貓入了衫袋之後，仲可以騰出兩手做事，非常方便。
寵物無時無刻都同主人一齊。
特製衫袋好似個袋鼠袋咁。
主人仲可以拆出來方便清潔。
仲有埋條片等你睇睇幾得意！
資料來源：Unihabitat官方網站
